富豪酒家

營業中

休息中

富豪酒家在尖沙咀美麗華食四方，環境闊落唔迫夾，店員服務好，而且還多年擇星米芝蓮，可見實力有一定水準和肯定。蟹肉竹笙燴花膠，非常花心思既一道菜，蟹肉一絲絲夠多夠鮮甜，竹笙爽脆和綿密既花膠都好正！湯頭夠熱，整體口感好正，好回味。翡翠百花釀遼參，大大舊好厚既遼參相當有份量，本身沒帶味道，所以釀入新鮮蝦肉，令味道更有鮮味，口感也相當豐富，每啖都好享受，旁邊既菜都唔好睇少，好清新爽脆。碧綠金銀海斑卷，1味2食，一邊是炸，一邊是蒸！海班質感夠嫩滑又夠緊緻，兩款都互有特色！香脆及綿滑，魚肉包住冬菇，金華火腿，成件事更香。海蝦魚鰾勝瓜，用上新鮮游水海蝦，所以非常爽彈又新鮮，魚鰾大大塊好有質感，還有肉丸，勝瓜，香葱等配料，相當濃郁入味。薑蔥生煎鹽香雞，相當濃厚既薑葱味道，煎到外皮香口香脆，唔會過份油膩！肉質keep到嫩滑多汁，配埋薑葱一齊食非常惹味砂鍋富豪炒麵相當有鑊氣，可見大廚功價十足！炒到非常爽身0油膩感，條條都好有彈性，份量都相當足夠。陳皮紅豆沙滿滿陳皮香味滲出，非常有味道！紅豆大粒起沙，唔會太甜！作為甜品相當滿足又開心。