影片
更多
2023-10-23
445 瀏覽
有日行行下outlet 經過見到門面幾靚就行埋左去睇，因為已經食完晚飯既緣故比門口d 蛋糕吸引左，一睇竟然有至愛既焙茶同抹茶味Q-ube cake，當下一d猶豫都無，入去坐低左好彩果時鐘數已經過左飯點，即刻有得坐。雖然入面大概 8 成入座率，但係空間都頗為闊落，同隔離枱都有翻d距離，朋友傾計講大聲少少都無咩問題。另外餐廳裝修偏向現代簡約風，加埋少少日式元素其實都幾有feel，整體黎講環境好適合叫杯咖啡幾個蛋糕同朋友吹水。至於野食黎講今次淨系叫左蛋糕同野飲，但係我見隔離枱都好多人叫左主食，睇落賣相都唔錯，可能下次有機會試下。講翻甜品，我地本來想叫個靜岡縣紅茶巴菲同焙茶蛋糕，但係點知紅茶巴菲無曬，唯有單叫一個焙茶蛋糕加多個橘香伯爵茶。🍰焙茶蛋糕 $72最大賣點系外形特別，表層做左處理有少少鳳梨酥既口感，主體海綿蛋糕，中間有慕斯同啫喱夾層，味道黎講甜度適中，口感有層次，焙茶味都有但係偏淡，如果再濃少少就perfect🍵橘香伯爵茶 $52茶香同橘香原來撈埋都幾夾，橘既清新同伯爵茶既苦澀平衡得好好，用黎送甜品解膩或者清飲都有齒頰留香既感覺後記：原來伯爵茶都係紅茶既一種，不過系同佛手柑混合既調味茶
好彩果時鐘數已經過左飯點，即刻有得坐。雖然入面大概 8 成入座率，但係空間都頗為闊落，同隔離枱都有翻d距離，朋友傾計講大聲少少都無咩問題。另外餐廳裝修偏向現代簡約風，加埋少少日式元素其實都幾有feel，整體黎講環境好適合叫杯咖啡幾個蛋糕同朋友吹水。
至於野食黎講今次淨系叫左蛋糕同野飲，但係我見隔離枱都好多人叫左主食，睇落賣相都唔錯，可能下次有機會試下。講翻甜品，我地本來想叫個靜岡縣紅茶巴菲同焙茶蛋糕，但係點知紅茶巴菲無曬，唯有單叫一個焙茶蛋糕加多個橘香伯爵茶。
🍰焙茶蛋糕 $72
最大賣點系外形特別，表層做左處理有少少鳳梨酥既口感，主體海綿蛋糕，中間有慕斯同啫喱夾層，味道黎講甜度適中，口感有層次，焙茶味都有但係偏淡，如果再濃少少就perfect
🍵橘香伯爵茶 $52
茶香同橘香原來撈埋都幾夾，橘既清新同伯爵茶既苦澀平衡得好好，用黎送甜品解膩或者清飲都有齒頰留香既感覺
後記：原來伯爵茶都係紅茶既一種，不過系同佛手柑混合既調味茶，唔怪得同橘子咁夾
張貼
