新明苑海鮮酒家

營業中

休息中

今日約咗朋友，相約喺佢附近嘅一間酒樓，位於火炭一新屋邨嘅新明苑海鮮酒家，本來諗住火炭比較靜，但一到午飯時間就人山人海，朋友說很多工廠大廈工作嘅人都會到附近屋邨搵食。我們點了些點心及小食，食得出係點心師傅獨有嘅味道，並非一般集團式酒樓嘅出品，開咗一壺香片，茶味普通，不過不失。食物方面，點了鮮蝦燒賣、潮州粉果、山竹牛肉、炸雲吞、椒鹽魷魚鬚。燒賣上面有大大粒蝦仁，燒賣裏面都仲有包住蝦仁，用料充足。山竹牛肉有4粒好1不為過，鍾意食芫茜嘅朋友一定好滿足。炸雲吞用春卷皮住鮮蝦即炸， 熱辣辣脆卜卜， 配埋甜酸汁可解油膩。 椒鹽魷魚鬚同樣係即炸， 但就唔係一般酒樓嘅制法，佢係用粉醬炸，香脆好食，但我個人就比較喜歡用乾粉炸嘅魷魚鬚。