雲貴川

營業中

休息中

如標題所講有冇人同我一樣勁鍾意食芽菜呢？唔知大家有冇發現其實喺香港地搵一間有淨芽菜食嘅餐廳其實好難🤯因為好多時都會食生菜、菜心、或者唐生菜芥蘭等等，好少有芽菜食。不過呢一間餐廳就唔同啦雖然佢係食川菜，但係佢都有炒芽菜！佢嘅芽菜，仲要係好爽口。另外仲叫咗一個主菜就係水煮肥牛，佢啲肥牛片肥瘦平均，唔會過肥。成個水煮湯底唔會話好油㗎 ！所以都幾正，仲有好多豆卜、支竹木耳等等個湯底入邊！呢個價錢嚟講都幾抵食😉仲有一樣要介紹嘅就係佢哋自家製嘅山椒野木耳，山椒感覺上好似冇辣椒咁辣，反而有一種香嘅感覺。旁邊仲配埋炸蒜，木耳食落好有趙口㗎！食完嘢最緊要叫番杯汽水飲吓，大家都知道食完辣嘢叫可樂好爽啦！