廟街牛雜

營業中

休息中

夜晚七時許，同朋友相約，特意黎廟街食煲仔飯。眼見四季既人龍起碼有二十人，但亦無減我地食煲仔飯果種熱情。一於去排隊等位，視線範圍見到有另一條人龍，格局係之前o係度見過既牛雜店，一於同朋友分頭行事，去買牛雜食!相比起煲仔飯既人龍，呢條算係蚯蚓吧!等左一陣就見到牛雜既「浴池」。「浴池」中有膀、肚、腸、肺、豬紅、魚蛋同蘿蔔等。相量後，決定買一盒牛雜、豬紅同蘿蔔，價值二十元，甜醬芥辣辣醬各小許，務求迎合大家既需要。將戰利品帶回人龍與大家分享，大家一件過一件，不消二分鐘已經將戰利品消滅。其中，牛雜炆得入味。牛膀夠稔；肺夠滑；蘿蔔亦入味，但相比下豬紅比較遜色。可惜既係嘗不到牛腸。暖肚後，繼續向龍頭進發。