Poking

營業中

休息中

再一次到訪銅鑼灣呢間營養健康又好食既餐廳，FUSION得黎，性價比又高。「Thai Good Day」香煎雞扒和鮮蝦為主菜，蛋白質豐富，鮮蝦夠彈牙，雞扒JUICY，搭配新鮮菠蘿既清甜，加埋中華沙律、甘筍絲爽脆，口感層次分明。泰式沙律醬酸辣開胃，配上花生碎增添香脆。秘制牛腱肉配椰菜花飯屬於低碳水化合物既健康選擇，牛腱肉軟嫩入味，椰菜花飯夠特別，好適合注重體重管理的人士。椰子蜆湯溫潤順口，椰味香濃，蜆肉好鮮美，夠晒滋補。蜂蜜枸杞玫瑰花茶清新又有花香，超級養生。餐廳菜式整體營養均衡，卻色香味俱全，好適合追求健康又不失美味既香港人！