香港華商銀行公會

營業中

休息中

今晚有幸跟是會員的朋友來到華商銀行公會食晚飯，餐廳環境舒適寛落，係一大班人聚會聊天的好地方。天氣開始轉涼，又到咗食蛇羹的季節，今晚專登叫咗呢個花膠絲燴五蛇羹。一上檯用咗個爐煲住，保持熱度，用料豐富，用咗五種蛇黎煮，加上有木耳，薑絲等一齊煮，味道濃厚，入口嫩滑。杞子圓肉浸菜遠，菜芯新鮮爽脆，鮮綠光澤，杞子圓肉更添甜味，湯底入味。家鄉臘味糯米飯，飯粒炒得粒粒分明，飽满煙韌，臘味份量多，食落甘香可口。金沙南瓜片，外面係好香脆的蛋黃金沙味，油脂味香濃，入面係好軟稔的南瓜肉，清甜爽口。杏汁焗雪山包，賣相精緻，呈淺黃色，熱辣辣，入面係好香甜的杏汁，麵包軟熟。