Lúa (已結業)

成日經過銅鑼灣東角道都見到LÚA掛滿燈籠嘅會安特色露台，今日終於約咗朋友去試吓。餐廳色彩繽紛，露台位有兩張餐枱，圍欄上仲掛咗好多越南斗笠，絕對系打卡的好地方！檸檬羅勒炒碎米飯伴柑桔雞翼及豬串綠色米飯賣相特別，米飯的檸檬羅勒味十分突出，非常有特色，豬肉串肥瘦適中，燒得夠香口，份量都幾滿足，雞翼同柑桔汁好夾，酸酸甜甜好好味。斑蘭布甸法包配自家製椰子雪糕法包脆口，仲熱辣辣，配上冰涼嘅斑蘭布甸，口感十分不錯，斑斕布甸很濃郁，顏色都好突出！椰子雪糕上有果仁碎片，椰子味唔假，可以配合法包一齊食，口感層次豐富。小食自選拼盤（3-5)我哋揀咗秘製柑桔汁雞翼、素粉包炸兩同埋素春卷，又在拼盤中加咗雞翼，因為真係幾好味，春卷香脆，粉包入面有油條，風味十足。D24榴槤牛角窩夫配荔枝雪糕遠遠已經聞到榴槤香味，榴槤果肉好大塊，最鐘意牛角窩夫香脆口感加上雪糕嘅冰涼感覺，口感層次很豐富好味。