影片
更多
2023-05-06
1996 瀏覽
一年四季都係打邊爐嘅好時節，今日千挑萬選咗呢間名符其實嘅「樓下火鍋店」，真心要行落地底先食到🤭裝修走懷舊路線好有特色，檯同檯之間都好闊落，好多打卡位📸️食物方面超級高質，我哋兩個大食怪總共點咗八樣嘢未計湯底😆🥢鴛鴦湯底：清湯牛雜拼沙嗲牛雜果邊一望落去感覺好清，湯底有少量牛雜，以牛腸為主，點知越煲越濃味，再附送兩舊超級清甜白粟，下次直情要單點一碟粟米先得啦沙嗲湯底係濃濃沙嗲味但又唔會食完要洗腎果種死咸🥢安格斯牛頸脊 - 超重牛味又淋身，放入湯底燙一燙即刻撈起入口剛剛好🥢牛脷粒 - 一開始唔知要幾耐先熟，搞到滾完之後攞上黎個牛脷心都係凍嘅，後尾掌握到技巧之後就整得好食好多啦，平時食牛柳粒就食得多，第一次食牛脷粒，比食一塊塊嘅牛脷有口感得多🥢招牌餃（黑松露肉蟹餃）- 本身係想叫海膽餃，點知佢無哂，錯有錯著，黑松露味搭配蟹肉呢個組合真心無得輸，入口啖啖蟹肉大滿足！🥢西洋菜 - 超級新鮮，浸落牛雜湯底果邊吸收哂濃郁嘅牛雜味，不得之了🥢棉花魚肚 - 呢樣浸落沙嗲湯底果邊都係索哂沙嗲嘅精華🤤🥢鴨血 - 好多地方嘅邊爐都會有得點，但好少會好食，樓下嘅鴨血超有咬口，簡直係掂阿🥢紫菜炸響鈴 - 正常發揮，無
裝修走懷舊路線好有特色，檯同檯之間都好闊落，好多打卡位📸️
食物方面超級高質，我哋兩個大食怪總共點咗八樣嘢未計湯底😆
93 瀏覽
0 讚好
0 留言
🥢鴛鴦湯底：清湯牛雜拼沙嗲
牛雜果邊一望落去感覺好清，湯底有少量牛雜，以牛腸為主，點知越煲越濃味，再附送兩舊超級清甜白粟，下次直情要單點一碟粟米先得啦
沙嗲湯底係濃濃沙嗲味但又唔會食完要洗腎果種死咸
安格斯牛頸脊
100 瀏覽
0 讚好
0 留言
🥢安格斯牛頸脊 - 超重牛味又淋身，放入湯底燙一燙即刻撈起入口剛剛好
🥢牛脷粒 - 一開始唔知要幾耐先熟，搞到滾完之後攞上黎個牛脷心都係凍嘅，後尾掌握到技巧之後就整得好食好多啦，平時食牛柳粒就食得多，第一次食牛脷粒，比食一塊塊嘅牛脷有口感得多
🥢招牌餃（黑松露肉蟹餃）- 本身係想叫海膽餃，點知佢無哂，錯有錯著，黑松露味搭配蟹肉呢個組合真心無得輸，入口啖啖蟹肉大滿足！
🥢西洋菜 - 超級新鮮，浸落牛雜湯底果邊吸收哂濃郁嘅牛雜味，不得之了
🥢棉花魚肚 - 呢樣浸落沙嗲湯底果邊都係索哂沙嗲嘅精華🤤
🥢鴨血 - 好多地方嘅邊爐都會有得點，但好少會好食，樓下嘅鴨血超有咬口，簡直係掂阿
🥢紫菜炸響鈴 - 正常發揮，無咩特別
🥢貴妃蚌 - 唯一我覺得唔好食嘅嘢，硬係覺得佢有陣「壓」味，食唔到鮮甜味🫠
後記：食之前嘗試打去訂位，點知open rice提供嘅兩個電話都無人聽，到達嘅時候阿姐仲話：下次記得卜位，星期六日唔一定有位，我心諗..你個電話有人聽先得架🙄🙄🙄🙄🙄
果晚叫好多嘢都無，又話特飲唔夠人手沖所以無得叫，而且整體店員態度麻麻，埋單時純粹問下可唔可以比Alipay，佢就一句得埋黎「無阿，唔好再問我啦！」
不過專業嘅吃貨係唔會比佢嚇怕架，呢間絕對要encore阿！！
張貼
