影片
更多
2021-11-11
81 瀏覽
好怕坐到密質質嘅所謂居酒屋，四人枱仲要間到密一密同人搭枱，真係咩feel都冇。 一入嚟有些少昏暗同熱鬧嘅氣氛已經幾滿意，估唔到舖頭細細都坐得好闊落，成就左好開心嘅一晚。芥末紫蘇章魚 ($68)鐘意章魚切得大大件好厚身，食到Q彈既口感。 芥末紫蘇酸酸甜甜好清新，醃得青瓜同蘿蔔條好入味，秒速清碟。日本章魚御好燒 ($128)近乎每一啖都食到章魚好足料，因為做得好薄身，完全冇食緊粉漿既感覺，反而煎得好脆好香口，配大量沙律醬同木魚好惹味。酥炸雞心 ($68)本來對雞心有啲抗拒，但真心炸得好好，係好似串炸咁嘅脆皮同乾爽度。 雞心好彈牙，完全冇怪味，雖然係感受到原個雞心嘅形狀，但問心合埋眼食，如果你話係炸牛舌其實我都信。 醬汁有酸汁同芥末籽、芥末醬，味道非常豐富。白鱔 ($168)白鱔好新鮮好香魚味，重點係從未食過魚皮咁脆，直頭好似乳豬皮咁香口。磯煮鮑魚 ($98)鮑魚軟腍入味，仲少有地連埋鮑魚肝，好甘香，食到哂成隻鮑魚既精華。A5和牛坑腩炒飯 ($198)本來只係叫黎飽下肚，估唔到係全晚最有驚喜。 一入口就感覺到A5和牛嘅油香，好有鐵板燒臨尾個炒飯嘅風味。 和牛唔使本咁落，近乎每一啖都畢到一舊肉
芥末紫蘇章魚 ($68)
鐘意章魚切得大大件好厚身，食到Q彈既口感。 芥末紫蘇酸酸甜甜好清新，醃得青瓜同蘿蔔條好入味，秒速清碟。
日本章魚御好燒 ($128)
近乎每一啖都食到章魚好足料，因為做得好薄身，完全冇食緊粉漿既感覺，反而煎得好脆好香口，配大量沙律醬同木魚好惹味。
酥炸雞心 ($68)
本來對雞心有啲抗拒，但真心炸得好好，係好似串炸咁嘅脆皮同乾爽度。 雞心好彈牙，完全冇怪味，雖然係感受到原個雞心嘅形狀，但問心合埋眼食，如果你話係炸牛舌其實我都信。 醬汁有酸汁同芥末籽、芥末醬，味道非常豐富。
白鱔 ($168)
白鱔好新鮮好香魚味，重點係從未食過魚皮咁脆，直頭好似乳豬皮咁香口。
磯煮鮑魚 ($98)
鮑魚軟腍入味，仲少有地連埋鮑魚肝，好甘香，食到哂成隻鮑魚既精華。
A5和牛坑腩炒飯 ($198)
本來只係叫黎飽下肚，估唔到係全晚最有驚喜。 一入口就感覺到A5和牛嘅油香，好有鐵板燒臨尾個炒飯嘅風味。 和牛唔使本咁落，近乎每一啖都畢到一舊肉，香到痴線。
雖然啲餸酒小食係細碟咗啲，但叫幾碟飲吓嘢都幾飽，好岩慢慢吹水喺度坐返晚，chill。
張貼
