李家 (山林道)

營業中

休息中

🔸青辣椒蛋黃醬洋蔥無骨炸雞 $128🔸蜂蜜蒜蓉無骨炸雞 $123🔸豬肉炒粉絲 $158🔸韓式海鮮湯 $198-李家係一間韓式小餐廳，每次嚟食都覺得好chill，出品非常有水準！首先揀咗青辣椒蛋黃醬洋蔥炸雞，炸雞外層炸得香脆又唔會太油膩，加埋青辣椒蛋黃醬啲香濃味道，配上洋蔥嘅微甜，口感豐富又有層次感。蜂蜜蒜蓉炸雞亦都好惹味，帶有微甜蜂蜜香，再襯蒜蓉嘅濃郁，就算揀咗無骨都唔會乾柴。再講講主食嘅豬肉炒粉絲，炒得乾身入味，粉絲彈牙之餘啲豬肉都嫩滑，簡單但好好味。另外，韓式海鮮湯係暖心之選，湯底香辣又夠鮮，裡面有啲海鮮啱啱好，完全感受到食材嘅鮮味。