Cielos (已結業)

同男朋友想分享呢一間Cielos係銅鑼灣嘅餐廳比大家，已經榮升我哋最鍾意高質嘅餐廳🥰💖意式黑松露美國頂級和牛他他💖上枱已經有好香嘅黑松露味呀，牛肉嘅肉質好鮮嫩，入口仲軟腍，仲有少少油花嘅香味，估唔到咁好食。💖1.2公斤美國德州USDA極佳級工骨牛扒配松露薯條、雜菜沙律及廚師特製醬汁💖呢個係男朋友叫嘅，我都忍唔住食咗幾啖，呢個牛扒超巨型，肉質好軟腍，一啖咬落去就有滿滿嘅肉汁😍松露薯條都好好食，岩岩炸好，仲好脆。💖招牌卡邦尼巴馬臣芝士意粉💖我呢個卡邦尼巴馬臣芝士意粉都好正，佢會用一塊勁大嘅巴馬臣芝士噴溶啲芝士，之後再撈埋啲意粉，所以意粉係吸收左勁濃郁嘅芝士，差唔多每一啖都有芝士嘅香味，好少食到咁有心思嘅卡邦尼。