影片
更多
2014-06-07
2805 瀏覽
辛勞咗一日，又到放工回家嘅好時候 今日happy friday冇約朋友 選擇同老公兩個撐枱腳 今晚揀咗屋企附近嘅餐廳 方便食完可以盡快返屋企避暑 椰青係我食泰國菜必點嘅飲品 鍾意佢嗰種透心涼嘅感覺，幾乎係指定動作 話明指定動作，所以喺冇預計過有驚喜嘅情況下竟然感到驚喜 好清甜！好多時飲到嘅椰青都係清涼，唔會特別甜……可能未夠熟，撞啱運氣麻麻，啲椰肉仲會比較硬 同埋偏細個，飲兩啖就已經飲完，嗌多個又覺得唔化算，成日都要慳住飲……唔暢快。今次呢個椰青唔單止清甜 解渴，仲好大個，椰肉仲好容易“筆“，好味道 飲得非常暢快！十個讚 泰式炒米粉，酸酸甜甜 花生碎放側邊，食幾多由你決定，啱晒怕熱氣嘅我唔駛食太多 泰式燒豬肉沙嗲，醬汁味道夠濃夠香，不過肉質比較韌咗少少香焗椰盅，可以揀魚或者雞肉，我哋揀咗雞肉 對我呢啲食辣初學者嚟講都有6個辣椰香味就唔多覺，雞肉都唔夠滑，不過勝咗足料
今日happy friday冇約朋友 選擇同老公兩個撐枱腳
今晚揀咗屋企附近嘅餐廳 方便食完可以盡快返屋企避暑
椰青係我食泰國菜必點嘅飲品 鍾意佢嗰種透心涼嘅感覺，幾乎係指定動作 話明指定動作，所以喺冇預計過有驚喜嘅情況下竟然感到驚喜 好清甜！好多時飲到嘅椰青都係清涼，唔會特別甜……可能未夠熟，撞啱運氣麻麻，啲椰肉仲會比較硬 同埋偏細個，飲兩啖就已經飲完，嗌多個又覺得唔化算，成日都要慳住飲……唔暢快。
今次呢個椰青唔單止清甜 解渴，仲好大個，椰肉仲好容易“筆“，好味道 飲得非常暢快！十個讚
泰式炒米粉，酸酸甜甜 花生碎放側邊，食幾多由你決定，啱晒怕熱氣嘅我唔駛食太多
泰式燒豬肉沙嗲，醬汁味道夠濃夠香，不過肉質比較韌咗少少
香焗椰盅，可以揀魚或者雞肉，我哋揀咗雞肉 對我呢啲食辣初學者嚟講都有6個辣椰香味就唔多覺，雞肉都唔夠滑，不過勝咗足料
題外話/補充資料：
服務態度雖則未算十分主動，但係都反應迅速，整體感覺舒服。
(以上食評乃用戶個人意見 , 並不代表OpenRice之觀點。)
張貼
