影片
更多
2022-10-08
328 瀏覽
📌 Hungry Monkey (金朝陽中心二期) - 銅鑼灣登龍街1號金朝陽中心二期地下B號舖🗓(7/10) 星期五 ⏰ 下午5:30 💈特式：見牛舌group最近有介紹佢個厚燒牛舌set lunch好推介，早兩個咁啱趕唔到佢lunch時間，3點去到原來佢地3~5:30落場，所以今次就唔咁趕，直接5:30去食個early dinner。🥩🍔🌭🌮🥗🥯🥘🍲🍝🍣🥟🍤🍱食物：餐廳設計類似居酒屋，但又設有鐵板燒吧枱，主力都係食小食/燒物之類，因為咁早食dinner，唔算太肚餓，所以叫左唔係太多野食或主食，等我同大家講下味道先......蕃茄蒜子沙律🍅 - 一坐低職員就放低呢個前菜，係用整個蕃茄做沙律，感覺好fresh好清新，我唔係太鐘意食蕃茄都唔會太抗拒，但埋單發現原來有收取我地正價$28，但店員擺低時無講清楚，只係講「今日推介前菜係蕃茄沙律」，呢點我唔係太滿意，真心$28食呢個小食係ok的，味道都唔錯，但我本身唔係好鐘意食蕃茄，如果可以我情願揀其他小食，而不是強迫消費。芥辣八爪魚🐙 - 呢個芥辣八爪魚係我食過咁多之中最古怪，點解話佢古怪但唔係話難食，因為佢真心唔算難食，但佢完全無
🗓(7/10) 星期五 ⏰ 下午5:30
💈特式：見牛舌group最近有介紹佢個厚燒牛舌set lunch好推介，早兩個咁啱趕唔到佢lunch時間，3點去到原來佢地3~5:30落場，所以今次就唔咁趕，直接5:30去食個early dinner。
🥩🍔🌭🌮🥗🥯🥘🍲🍝🍣🥟🍤🍱
食物：餐廳設計類似居酒屋，但又設有鐵板燒吧枱，主力都係食小食/燒物之類，因為咁早食dinner，唔算太肚餓，所以叫左唔係太多野食或主食，等我同大家講下味道先......
蕃茄蒜子沙律🍅 - 一坐低職員就放低呢個前菜，係用整個蕃茄做沙律，感覺好fresh好清新，我唔係太鐘意食蕃茄都唔會太抗拒，但埋單發現原來有收取我地正價$28，但店員擺低時無講清楚，只係講「今日推介前菜係蕃茄沙律」，呢點我唔係太滿意，真心$28食呢個小食係ok的，味道都唔錯，但我本身唔係好鐘意食蕃茄，如果可以我情願揀其他小食，而不是強迫消費。
芥辣八爪魚🐙 - 呢個芥辣八爪魚係我食過咁多之中最古怪，點解話佢古怪但唔係話難食，因為佢真心唔算難食，但佢完全無芥辣味，反而有勁重嘅酒味，同行個位唔飲酒的，佢食入口d酒味係重到完全頂唔算，份量亦極少，價值$38。
唐揚魷魚鬚🦑 - 呢個魷魚鬚值得一讚，夠酥脆又唔油，但份量都係好細，但收$68就有少少唔抵。
日本白粟米🌽 - 我之前係其他壽司店食過北海道白粟米刺身，真係好難忘，所以見到呢間有就即叫，價值$48只有一段仔粟米再開4邊，一定係唔抵，但如果好食嘅話我都唔介意，但點解呢間餐廳要選擇攞呢d白粟米去燒，燒完之後無晒佢d鮮甜味，簡直係浪費左條粟米。
厚燒牛舌🐮👅 - 佢個牛舌夠厚身，牛味香，又燒得唔錯，爽口唔會韌，係做得唔錯，但賣緊$128有大約7件，我就覺得有d唔合理，我諗lunch set會抵食d。
☕️🍵🥤🧋🍺🍷🥃🍹🧉🍾🍶🥛
飲品 - 叫左桃味梳打，本身諗住係一杯杯店舖自家做個d，但原來係一支支現成的，咁就唔洗咁貴係佢度飲，行過少少去時代買仲平好多。
🍽環境：餐廳環境就類似日本居酒屋，店內位置唔會好大，有大約6~7個吧枱位，另外仲有3~4張枱，正正常常，唔算坐得唔舒服，但又唔係好舒適個隻。
🤵🏻🤵🏻♀️🤵🏻♂️服務：都係上述講過個一點，一坐低店員放抵個前菜，只係講今日店舖推介，又無講要錢之類，好似有少少強迫消費，咁啱我又唔鐘意食蕃茄。雖然有人會講你可以問佢係free定收錢，咁佢自己上比我問都唔問，唔通我去每一間餐廳，佢比杯水我或比套餐具，我又問洗唔洗錢咩。
💰💸價錢：埋單差唔多$400，只係叫左4個小食加牛舌同一支飲品，唔算係天價，但就一d都唔抵。
🐲💬總結：呢個價錢我會選擇其他居酒屋/燒烤舖，起碼我去其他呢類形店舖都未試過被強迫消費。
推薦指數：❤️❤️❤️🤍🤍
13 瀏覽
0 讚好
0 留言
14 瀏覽
0 讚好
0 留言
14 瀏覽
0 讚好
0 留言
14 瀏覽
0 讚好
0 留言
張貼
