王牌·圍一叉燒

營業中

休息中

大圍站對出，新開大約一個月左右（好似係），最近首選嘅飯堂，午餐、下午茶、晚餐，三個時段都幫襯過，唔重複咁試佢啲食物。每次食叉燒瀨，最驚就係啲叉燒浸落個湯度，浸到啲叉燒淡晒味。 更加慘嘅係，嚿叉燒柴到可以攞去生火。不過王牌嘅叉燒瀨就冇呢個問題，嚿叉燒擺入口嘅時候畀我嘅驚喜就係，仲有濃厚嘅蜜汁幽香，咁當然係唔柴㗎啦。至於佢個西多士，份量係足嘅，但始終有個普遍嘅問題，就係越近中心，啲花生醬味先至越明顯，其實問題不大，係我性格缺陷，鍾意雞蛋裏挑骨頭。總體而言，暫時都無乜挑剔，食得相當滿意😋👍🏾。希望佢可以一直保持水準，咁就可以成為我心目中餐廳界嘅夢乃愛華❤️世一嘻嘻🥰。