九記餐廳小館

營業中

休息中

經過幾次餐廳門口都見到好多人食，主要室外地方坐滿，好奇心驅使下，就入咗餐廳食午餐，店內環境昏暗，冷氣幾涼，環境不過不失。我之前食過常餐味道正常，所以今次就試吓佢嘅是日午餐，我揀咗魚香茄子飯，老公揀咗炸髀太陽蛋飯。炸髀太陽蛋飯可以揀汁，有豉油或番茄汁，其實我仲見到有咖喱汁添。個炸雞髀好大隻，有我隻手咁大，不過雞髀火候可能太大，有啲老，豉油都比較鹹。我嘅魚香茄子飯反而幾好食喎，個汁有啲蒜蓉味，仲隱隱約約有浸鹹魚香，茄子質感岩岩好，如是者我好快就清晒成碟飯啦，而飲品方面我嗌凍檸檬茶少甜，不過都仲係幾甜下，有下次，會再嚟食佢嘅是日午餐。