影片
更多
2021-09-24
363 瀏覽
一直聽朋友講旺角女人街有間幾出名嘅大排檔，仲話佢有個湯係超級好飲😆 鍾意周圍捐窿捐罅搵食嘅我，今次就帶埋屋企人一齊上去踩場，試試佢個湯有幾正😎飲湯前，我哋嗌咗份喺嗰度都相當出名嘅小食——蝦多士！$28一件，仲要有黑松露😜 蝦多士炸到十分鬆脆，多士搽咗牛油，食落好香好好味😋 蝦都幾大隻下，配埋面頭嘅黑松露醬同埋黑松露沙律醬，非常之夾！雖然好邪惡，但食到停唔到口😌無錯！我哋全家人就係為咗呢個湯而嚟🤩 見到有唔少人都嗌咗呢個湯，本身我自己麻麻哋杏汁嘅，不過佢呢個湯嘅杏汁味又唔會勁重，飲落帶甜而且好潤喉，可以連續飲幾碗，果然無介紹錯😚 而且仲有一大碗湯渣食，好足料🤣鍾意食咕嚕肉嘅我嚟到呢度梗係嗌返碟試吓💁🏻♀️ 呢度嘅咕嚕肉份量唔算好多，細細碟咁，性價比就唔算好高。不過個咕嚕肉炸粉都幾薄，而且都啖啖肉，同埋每舊都幾大舊下，而個配料都幾有驚喜，菠蘿食得出係新鮮菠蘿，而唔係罐頭菠蘿，如果比多幾舊就仲好啦！小炒皇都係我哋去食大排檔嘅至愛，佢嘅小炒皇好足料，有超多魚乾仔、腰果同韭菜，仲有幾舊大蝦球同魷魚仔，不得不讚佢個蝦球真係好爽口🤩 味道方面，因為加咗XO醬，食落鹹鹹香香咁，用嚟送酒就最適合不過！🔸
黑松露鮮蝦多士
$28
10 瀏覽
0 讚好
0 留言
招牌杏汁燉豬肺
$148
27 瀏覽
0 讚好
0 留言
無錯！我哋全家人就係為咗呢個湯而嚟🤩 見到有唔少人都嗌咗呢個湯，本身我自己麻麻哋杏汁嘅，不過佢呢個湯嘅杏汁味又唔會勁重，飲落帶甜而且好潤喉，可以連續飲幾碗，果然無介紹錯😚 而且仲有一大碗湯渣食，好足料🤣
鳳梨懷舊咕嚕肉
$108
12 瀏覽
1 讚好
0 留言
XO醬海鮮小炒皇
$108
18 瀏覽
0 讚好
0 留言
🔸 優惠孖寶 $298
生炸脆皮頂鴿
20 瀏覽
0 讚好
0 留言
豉椒炒蟶子皇
14 瀏覽
0 讚好
0 留言
古法脆麻花
$28
12 瀏覽
0 讚好
0 留言
總括而言，呢間最近咁熱門嘅大排檔果然名不虛傳，食物質素有返咁上下水準🤤 特別推薦係個蝦多士、杏汁燉豬肺湯同埋生炸乳鴿😋 當然佢嘅價錢都唔平，屬於中高價大排檔，不過佢嘅食物絕對對得住呢個價錢。而環境方面，雖然佢喺室內，但係周圍嘅裝修都好有懷舊風味，有唔少招牌同霓虹燈，令人有返咗去八九十年代嘅香港嘅感覺🤣
張貼
