王牌冰室 (教育路)

脆炸肉絲抄麪，肉絲一般茶餐廳質素。脆炸麪慘不忍睹，脆到咬唔開且完全無味！收64蚊熱飲仲要加4蚊！40蚊都唔值！
趟門常開！對出教育路經常塞車，癈氣，死氣，沙麈風湧而至，冷氣！熱氣！死氣！癈氣！受氣！
五蚊現金卷，完全體驗到「王牌冰室保留最終決定權。」今日21/9食左個一般茶記質素嘅早餐，埋單用佢放係門口嘅五蚊現金卷找數，收銀呀姐話今日唔用得！我問點解今日星期二喎又唔係公眾假期！呀姐話今日八月十五中秋節唔用得！無語…最終決定權！！