王牌冰室 (教育路)

真係中哂伏中午食個lunch 一個炒飯要差不多80蚊凍飲要加5蚊 你當哩到係中環？熱飲要加3蚊伙記服務態度又差我頂唔住 Order一個茄通 竟然得6舊午餐肉 冇其他野食 收我50蚊…查看更多

今日叫咗王牌冰室早餐，番茄湯午餐肉粒公仔麵，配牛奶炒蛋奶油豬，熱奶茶。蕃茄湯底夠香濃，午餐肉粒都切得幾大舊🤗牛奶炒蛋有香濃牛奶味，但奶油豬外賣就林晒😅熱奶茶就一般般…查看更多

王牌既沙爹牛肉麵出哂名，估唔到蕃茄湯都唔錯🤔$38早餐有齊湯粉，炒蛋，多士同餐飲，性價比超高！今次清清地揀左蕃茄濃湯，湯底有蕃茄粒，連埋通粉一齊食啖啖都有湯既酸甜味🍅加埋大大粒餐肉，唔想下下食沙牛呢個都係清新d既選擇🤤…查看更多

早幾日約咗朋友黎呢度食brunch，岩岩好趕得切11點半仲有早餐👏朋友叫咗沙嗲牛米粉配牛乳炒滑蛋&丹麥多士飲熱好立克，我叫咗蕃茄濃湯牛肉通粉配煎全熟蛋&加$2轉蒜蓉多士飲熱菜蜜～丹麥多士雖然脆但完全無味，朋友話佢平時食開果種會有啲蜜糖甜味，呢間係連牛油香都無，真係零味道😅滑蛋唔算好滑，牛乳味唔重，一般吧～沙爹牛非常濃郁，係宜家食到比較少數帶輕微辣同有花生香味既沙爹牛，呢樣係今餐之中算最出色👍米粉爽口彈牙～我既蕃茄濃湯味道偏酸左啲，但就真係幾濃郁而且食到粒粒蕃茄既～至於啲牛肉就韌到不！得！了！我自己煮仲好食過佢😐😐 絕對唔係茶餐廳應有既水準👎👎👎👎蒜蓉多士幾脆但蒜味唔夠，煎蛋水準正常～我相信呢間王牌應該都係得沙爹牛做得比較好😅當然連鎖餐廳間間分店質素都有出入，但只能說第時如果係元朗呢頭而又想食沙爹牛早餐先會考慮呢度，想食其他野絕對唔會黎呢間🙈🤦…查看更多

2021年10月1日(五)晚餐同瑪莉行左一日街街，收獲豐富食左多餐甜食，中式晚餐要食鹹野平衡返粒粒菠蘿冰跟餐加10元，大大杯新鮮菠蘿冰荔枝果肉梳打跟餐加10元，送上一罐梳打汽水及荔枝肉冰杯，自己斟王牌特濃沙爹牛肉公仔麵特濃沙爹牛肉真係好濃，湯頭好杰，個人覺得轉通粉會夾啲特濃牛乳炒滑蛋叉燒蝦仁雙拼飯此飯好睇唔好食，蛋冇牛乳味，唔滑的炒滑蛋，叉燒好瘦，蝦仁冇味，白飯好乾，冇豉油冇汁水配搭的情況下，乾哽。…查看更多

脆炸肉絲抄麪，肉絲一般茶餐廳質素。脆炸麪慘不忍睹，脆到咬唔開且完全無味！收64蚊熱飲仲要加4蚊！40蚊都唔值！趟門常開！對出教育路經常塞車，癈氣，死氣，沙麈風湧而至，冷氣！熱氣！死氣！癈氣！受氣！五蚊現金卷，完全體驗到「王牌冰室保留最終決定權。」今日21/9食左個一般茶記質素嘅早餐，埋單用佢放係門口嘅五蚊現金卷找數，收銀呀姐話今日唔用得！我問點解今日星期二喎又唔係公眾假期！呀姐話今日八月十五中秋節唔用得！無語…最終決定權！！…查看更多

王牌冰室@元朗做完瑜伽refresh 完就想搵個地方食個早餐先🤩🥳！見到家誠附近lee 間裝修好光猛既茶餐廳！入到去都坐得幾舒適！👌🏻🤝而家佢地台同台之間既版隔做到足👍🏻令人食得安心好多💪🏻叫左常餐佢地既份量真係好多大bro!有個牛奶炒滑蛋配個脆卜卜既多士炒蛋好滑呀！半流心既狀態！加埋大大份既雪菜肉絲👍🏻米粉唔會一堆漿埋係條條分明！茶餐廳最緊要係杯奶茶😻茶香奶滑真係香港奶茶世一😻…查看更多

我同朋友黎到元朗一間叫王牌冰室既茶餐廳食飯，因為朋友想食沙嗲牛肉麵，我又跟佢一樣🤣不過我轉左米，依個係常餐黎既～我想講碗沙嗲牛米勁大碗，相較其他冰室黎講，王牌真係好抵食同埋沙嗲醬勁好食🤤濃厚既沙嗲醬，唔似出面餐廳較稀啲～王牌既沙嗲醬亦重花生味，啲米粉索晒沙嗲汁，好食呀！常餐入面除左沙嗲牛麵仲配埋蛋同多士🥴多士烘到脆脆既，面頭抹上一陣牛油，好香口，我將炒滑蛋放上多士到夾住食，好滿足，配埋1杯凍華田～下次有機會，我諗我都會再揀沙嗲牛麵🤤…查看更多

食物質素無問題但個別員工態度有問題，會當客人面發脾氣然後出餐都好亂，會出錯餐比客人叫個早餐等左45分鐘見到外賣既人都等左好耐先有好明顯廚房同樓面都handle唔到單既數量如果趕時間嘅就絕對唔好去呢間食…查看更多

沙嗲牛肉麵是茶記必備美食 ：1碗熱湯、1底即食麵，加上1勺充滿濃濃花生醬香味的沙嗲牛肉。今次下午同個frd 揀咗去元朗等，想食沙嗲牛肉麵好耐，諗咗幾間都唔知食咩好，揀咗個新餐廳，王牌，聽個名好似好威好勁咁，緊係要試返下啦。點咗個沙嗲牛肉包同沙嗲牛肉麵，望個色澤都知濃郁啦，入有好重沙嗲花生香氣，唔會得個死鹹，混埋個麵底就啱啱好，肉片都幾多塊，件件都大大塊，另外仲有個別包 熱辣辣好鬆軟 每啖都肉質嫩滑，一大享受。…查看更多

年初三元朗都冇乜幾間有早餐食，諗住見到佢人氣旺試下，咁收人加二我覺得都情有可原，但係唔係叫人等成40分鍾以上食個公仔麵囉。啲外賣員都等到燥，講真、你揀得呢啲日子開又收人貴又俾唔到最基本既野人，大佬，我都唔講你啲野好唔好食，剩係呢樣都趕哂客啦下話，早餐等到都食得午餐喎真係。啲人追，樓面收銀個職員啲態度都愛理不理，好似同妳講係咁咖啦新年流流一係唔好食囉，都係果句，收加二？除左離譜我冇其他野可以講、其實你大可以落單前同人講預餐時間真係耐啲，有交代我地咪唔洗咁慘囉。真係初三赤口，雙嗌唔好口，等俾人開年啦。…查看更多

元朗依間第一次幫襯，濃茄未汁完全唔啱口味（唔知係咪因為過咗半個鐘都未有嘢食，吹咗幾次嘅後果）通粉更完全唔得，又硬又冇味，同响係其他分店果種味道完全2個世界嘅食物一樣。牛肉質數仲keep得到，部份員工服務態度很冷淡。問得未就只是回應等等。最離譜係埋單仲要「加二服務費」，「加二」在茶餐廳算係首見（可能係我大鄉里）咁嘅環境。。。咁嘅質素。。。咁嘅態度。。。仲要細細隻字寫「加二服務費」，落單又唔講，過年加費是理解，但冇寫同講清楚感覺被搶的…查看更多

近期沙爹牛肉麵好HIT.  王牌的沙爹牛肉麵好出名. 今日順道來朝聖.沙爹牛肉麵的常餐A是$48, 不算太貴.滑蛋ok, 夠熟但還有少少蛋汁. 多士反而不好, 凍的及有油膱味, 好奇怪. 茶走味道OK.主角是沙牛麵, 湯應已有沙爹, 味道夠濃. 牛肉質地不是太好, 好普通. 麵硬度OK.沙牛麵品質是OK, 比大部份茶記好, 但不要有太高期望.…查看更多

嗰日終於去咗陪朋友朝聖。其實睇咗個餐牌，發覺都有好多嘢食，亦唔算貴。午餐推介，有乾炒牛河$56，喺餐牌度睇嘅瑞士汁干炒牛河就$64╭(╯3╰)╮結果我嗌咗乾炒牛河，我個朋友就叫咗常餐C。常餐C，沙嗲牛肉公仔麵加滑蛋拼多士。沙嗲夠香但偏甜，牛肉醃得太冧，滑疍夠份量但咸咗好多，味道太重，唔係佢杯茶喎。╮(￣▽￣"")╭我個干炒牛河，一樣咸到要勁飲水(凍檸茶) \(//∇//)\依家王牌冰室，比人吹到好勁，但其實都不外如是，普普通通啦。…查看更多

This is a fairly new eatery in Yuen Long and we tried breakfast there. A modern version of a "bing sutt" (ice house). The menu what you expect from a cha chang teng.Went for the macaroni with beef slices in a tomato based soup. The soup had a intense tomato flavour ,not too sour.and it had pieces of real tomatoes.The other meal was Pork chop with instant noodles. Pork chop was quite thin but seasoned well.Sets came with scrambled egg and thick toast. Quality wasnt too bad and service was efficient but nothing really special and prices veer towards the more expensive end.…查看更多