水門雞飯 (厚福街)

營業中

休息中

早排先同朋友講開去泰國幾正，一定要去食好野，朋友就即刻約話係香港都可以食泰國野。 今日同朋友黎尖沙咀呢間水門雞飯。 好彩早左少少黎，因為冇耐都好多人啦，佢又好多外賣單，真係好受歡迎。 因為佢係用QR code自己落單，所以可以慢慢睇。 第一樣更係要叫串燒啦。 佢有雞肉同豬肉，2樣都要。 通常串燒都係點佢既沙爹醬，但朋友話佢個醋汁都好正，試左，又真係另一番風味wor，又覺冇咁熱氣。 然後見到佢地既限量炸雲吞，即刻都唔放過，原來真係好正，皮脆多函，即炸好熱，果然係唔可以錯過。然後再叫左泰式炒通菜，同菠蘿燒雞炒飯，真係好好味，好夠火喉。 冇諗過佢個飯有咁多雞，而且通菜都炒得好爽脆。最後都係忍唔住叫左杯芒果沙冰，勁新鮮芒果。 呢餐泰國餐真係食得好完美。