水門雞飯 (厚福街)

營業中

休息中

今日出開尖沙咀 經過呢間好耐冇食嘅 水門雞飯 見佢出咗下午茶好抵食 即刻入去食一食先😬 下午茶套餐好抵食 仲要都有唔少嘅選擇 再包埋嘢飲😍 仲有限時追加嘅小食 好快就用咗QR code自助落單～ 水門雞飯 $54呢間店最出名必食嘅水門雞飯😋 今次揀咗雞胸 份量多 啖啖肉又唔會柴 雞皮爽口 油飯粒粒分明又唔會油膩 配上佢獨有嘅醬汁 仲有熱辣辣嘅胡椒湯 真係絕配！大推👍🏻 串燒 $42叫左1串雞2串豬 兩樣都燒得岩岩好😋 雞好滑 豬燒完仲有肉汁 兩樣都唔會燒到乾哂 配埋沙嗲醬好出色😍 泰式船粉（牛） $50第一次食嘅泰式船粉 揀咗牛肉湯河 入面有生牛肉同埋牛丸 生牛大塊配上熱辣辣嘅牛肉湯 浸一浸食好鮮嫩😋 牛丸彈牙 仲有炸豬皮 脆口唔油膩 配埋一齊食都不錯～ 我哋仲追加咗三個小食 全部都係加$10好抵😍 脆炸香茅雞翼- 炸得香脆唔油膩 唔會勁重香茅味 咬落肉質嫩滑 唔會炸到過乾👍🏻脆炸炸春卷- 推薦呢個春卷😋 香脆熱辣辣 入面仲食到蝦滑 真心好食！芥蘭苗- 估唔到追加小食都可以有咁大碟菜🥹 烚菜再加少少炸蒜調味 食落健康又好味😇 鮮油咖央多士 $28見到咁大塊牛油 真係超邪惡😈 但真心大

原來TST有兩間分店 另外一間係金馬倫道 每一次掛住泰式地道野就會黎水門雞哩到 又地道 又平 性價比非常之高👍🏻👍🏻👍🏻———————————————————————雞雙拼飯 - 海南雞 拼炸雞 海南雞滑 皮薄肉厚 油飯香哩個組合一留😍😍😍 加左雞雜 原汁原味 加左小食串燒雞豬串燒 肉質厚實 佢個沙嗲汁係絕配牛肉牛丸酸辣湯金邊粉次次去泰國街邊都要食一碗🤪酸辣湯啱香港人口味 唔會太辣 牛肉片分量都多 牛丸爽口 泰式炸豬腩肉哩個醬汁同豬腩肉好夾唔會炸得好乾 好有泰國風味飲品泰式奶茶 奶茶香滑 唔會太甜 熱姜蜜 天氣凍飲返杯個身都暖返曬😍

今晚唔想煮飯，喺尖沙咀附近兜咗一陣都係決定買黎買個外賣返屋企食！平時都有經過水門雞飯，但一路都未試，終於可以一試，睇吓同泰國有冇分別！水門雞飯配雞湯，加左10蚊轉雞髀飯係油飯，用咗泰國嘅米加咗一啲泰式嘅香料例如香茅組成，所食落好香，唔同平時喺出面食嗰啲油飯～而水門雞食落好嫩滑，雞皮係爽脆的！辣肉碎煎蛋飯份量好足，辣辣地咁好開胃，用黎送飯一流！肉碎夠惹味，連埋隻燶邊蛋撈埋一齊食，正！鳳尾蝦泰式金邊粉，帶微辣，好開胃金邊粉炒得夠乾身，鑊氣十足，唧一點青檸汁，撈埋啲花生碎一齊食，更有泰國風味另外仲有四隻鳳尾蝦，夠爽好彈牙！泰式炒通菜有洋蔥同辣椒等一齊炒，所以食落好惹味！

放工去尖沙咀交收後，經過厚福街，突然好想食水門雞飯，係尖沙咀相隔一條街有2間水門雞飯，無論港人或遊客都會落去食呢間泰國雞飯，常常大排長龍等位，今日一於買外賣回家食。水門雞半隻：雞身相對比較白，雞皮爽脆肉鮮嫩，配以特製的醬汁，啖啖肉好惹味。還有雞雜送，雞腎和雞腸爽口，雞紅嫩滑。雞油飯淡黃有咬口，粒粒分明，不會過硬，有淡淡香料味。雞湯以雞殼、豬骨等熬4小時，加上泰國胡椒，味道鮮香。泰式豬手飯：滷至深啡色的豬手軟稔入味，其骨膠豐厚的外皮十分誘人，啖啖骨膠原的感覺。鳳尾蝦炒金邊粉：鳳尾蝦爽口，金邊粉味道酸甜微辣，口感豐富！

水門雞飯外賣體驗在這個快節奏的生活中，外賣已成為許多人的日常選擇，而水門雞飯的外賣服務無疑為我帶來了不一樣的美食體驗。這次的點餐包括了雞湯、泰式冬陰功船粉、金邊粉、泰式無骨豬手、凍泰式奶茶、燒原隻魷魚及泰式炒通菜，每一道菜都讓我充滿期待。首先，水門雞飯的招牌雞湯是我最期待的。湯底清澈透亮，香氣撲鼻，喝上一口，濃郁的雞肉味與清新的香料味交融，令人心情愉悅。雞肉嫩滑，油飯好食接下來是泰式冬陰功船粉，湯頭酸辣適中，海鮮的新鮮味道令人垂涎，蝦仁、魷魚和青口在湯裡煮至剛好，口感鮮嫩。搭配上金邊粉，海鮮份量都幾多泰式無骨豬手。豬手肉質鮮嫩，經過精心燉煮，滿滿的膠原蛋白讓人吃得心滿意足。搭配特製的醬汁，味道更是絕妙，讓人停不下來。凍泰式奶茶則是一個完美的解渴飲品，茶香濃郁，甜度適中，冰涼的口感在炎熱的天氣中格外清爽。這款奶茶的調配恰到好處，讓人一試成主顧。燒原隻魷魚的外賣品質同樣不俗，魷魚經過炭燒，外皮微焦，內裡卻保持著彈性，搭配特製的醬料，味道層次分明，讓人忍不住想一口接一口。最後，泰式炒通菜作為一個清新的配菜，炒得恰到好處，保持了菜的鮮脆感，帶有淡淡的蒜香，為整餐增添了一絲清爽的感覺。總的來說，

好耐冇去泰國了，今日同朋友黎到水門雞飯感受一下泰國既美食同氛圍，新推出左秋冬特選2人套餐，包括水門雞、湯兩份、酸辣鳳爪沙律（細）、水門雞油蒸飯兩份、醬爆牛肉薯仔粒、龍眼水和洛神花茶。另外叫了炸蝦春卷！水門雞飯每次必點，同係曼谷食既味道一樣，雞肉嫩滑，油飯好香，加上雞汁調味料，神來一筆！另外，冬瓜湯清甜入味煲仔醬爆牛肉薯仔粒冬天食煲仔菜熱辣辣，薯仔入味，牛肉香嫩，調味剛剛好，適合送飯炸蝦春卷長長的春卷外脆內嫩，值得一試洛神花茶飲品選擇好多，今次簡左洛神花茶，甜甜的帶有洛神花味道酸辣鳳爪沙律酸酸甜甜，開胃菜，有芹菜配搭，份量十足總體來說，水門雞飯是一家值得推薦及常來的餐廳，適合喜歡雞飯和泰國風味菜品

今晚同朋友去咗水門雞飯餐廳食水門雙拼炸雞飯、A5和牛泰式船粉、泰式無骨豬手、和牛串燒、凍柚子蜜同凍話梅茶，呢幾道菜式真係令人垂涎欲滴，這間餐廳位於尖沙咀厚福街3號華博商業大廈地下2-3號舖，港鐵尖沙咀站B2出口，行幾分鐘就到，非常方便。水門雙拼炸雞飯🥢首先，水門雙拼炸雞飯絕對係一個唔可以錯過嘅選擇，有水門雞同水門炸雞，水門雞嘅雞肉煮得非常嫩滑，外皮亦嫰滑可口，而水門炸雞嘅雞皮金黃酥脆，食落香脆可口，內裡肉汁豐富，搭配上特製嘅醬汁，味道一流，仲有特別好味嘅湯係胡椒湯，香氣撲鼻，飲落去暖心又開胃，真係令人一試成主顧。A5和牛泰式船粉🥢接住嚟就係A5和牛泰式船粉，呢碗船粉用上高級A5和牛，是選用日本A 5和牛薄片，肉質滑嫩，每一口都充滿肉香，湯底濃郁，帶有微辣的風味，令人非常開胃，船粉吸收咗湯汁嘅精華，口感滑順，令人食得愉快。泰式無骨豬手🥢再講講泰式無骨豬手，呢道菜真係讓人印象深刻，豬手肉質滑嫩，醬汁濃郁，每一口都充滿咗豬手獨特的味道，令人感受到泰國料理的魅力。和牛串燒🥢而和牛串燒就係另一個必試之選，串燒嘅火候掌握得恰到好處，肉質鮮嫩多汁，不會乾柴，配上泰式風味辣醬汁，又唔係太辣，更加提升咗

一個人食晚飯，頹頹地想食個簡單的雞飯，就入咗嚟食水門雞 。入到去被阿姐安排坐搭枱，食完就走無乜所謂 ～最重要佢出餐夠快，同埋係幾好食 。雞夠嫩，皮好薄，飯係粒粒分明 。食哂！個餐50蚊左右唔貴，對得住呢個價 。

假期約左朋友行街，夜晚去左尖沙咀, 搵左間餐廳食泰國菜。我哋叫左水門雞飯, 雞肉嫩滑, 另外仲加左雞雜, 入面有雞紅, 雞腸和雞腎, 配埋佢特製醬汁食, 十分惹味, 跟飯還有冬瓜湯, 胡椒味濃。冬蔭公海鮮金邊粉, 有魷魚, 蝦和青口和炸豬皮等，魷魚爽彈, 金邊粉煙韌, 吸引晒湯既味道, 湯底味道濃郁, 酸辣開胃。另外, 我哋叫左幾款小食, 牛舌口感軟淋彈牙, 牛肉味濃。串燒揀左雞肉和豬肉， 兩樣都燒得啱啱好, 有微微焦香, 肉質嫩滑juicy, 配合香濃沙嗲醬食, 十分惹味。今晚朋友食得開心, 分享左好多泰國旅行既體驗。

今日在尖沙咀行街，晚餐時間去咗厚福街搵食，遠遠就見到水門雞飯既大招牌，又令我想起泰國街頭食雞飯既風味，今晚就食佢啦🐔▪️水門雞飯 $ 54雞皮爽脆不油膩，雞肉嫩滑，完全就係泰國水門雞飯嘅風味，再配上雞油飯和泰式香辣豉油，美味▪️泰式船粉（牛丸，生牛肉） $ 50船河大碗又足料，牛肉湯味道好香濃，生牛肉份量非常多，而且生熟程度剛剛好，牛丸爽口又彈牙，再配上香滑嘅泰式河粉，夠晒正宗▪️豬肉串燒 3串 $ 42豬肉串燒至外焦肉質爽口，必定要沾上靈魂醬汁，香甜惹味的花生沙嗲醬，永遠都是串燒的最佳拍檔▪️炸雞皮 $ 20估唔到呢度有炸雞皮食，仲要又係勁大份，雞皮就如薯片般香脆，而且完全油膩，抵食又好食▪️泰式炒通菜 $ 54馬拉盞係泰國人經典嘅調味料，搭配炒得爽脆的通菜，蒜蓉辣椒比例剛好，香辣惹味▪️芒果冰 $ 20即點即打既芒果沙冰，口感濃厚，芒果味香甜濃郁，完全好似食緊芒果一樣

嚟親尖沙咀，想食泰國嘢就一定諗起水門雞飯，一街次隔兩間分店，經常有人等，抵食夾大件水門雞飯加雞雜 - 雞肉嫩滑，油飯香口，雞雜處理得好乾淨鳳尾蝦炒金邊炒 - 金邊粉口感好好，炒得好有鑊氣，又唔會黐埋，配料充足，鳳尾蝦爽口彈牙豬肉串燒 - 又香又脆，點沙嗲同醋都一樣咁好食牛舌 - 調味特別，酸酸辣辣好開胃馬拉盞肉醬芥蘭苗 - 芥蘭苗新鮮嫩綠，配馬拉盞肉醬勁惹味泰式奶茶 - 茶底香濃，口感順滑，甜度適中話梅茶 - 話梅味好濃，酸酸甜甜好清新好解渴餐牌選擇好多，價格相宜，份量十足，性價比高，環境都算舒適，乾淨光猛，QR code落單又方便，難怪經常排晒長龍

今日有過到嚟尖沙咀呢邊梗係唔少得去美食集中地嘅厚福街睇吓有咩啱食啦，但係因為最近減緊肥，所以最後選擇咗入去水門雞飯，入到去因為係lunch Time，所以人都比較多，要喺門口等一陣位。坐低之後就自己scan QR code落單，不過我自己本人就鍾意睇一大張餐牌，感覺上可以一眼睇得到成間餐廳有啲咩食。咁餐廳入邊嘅選擇都比較多，由於我需要攝取蛋白質嘅關係於是就直接叫咗半隻海南雞一碗牛肉船麵，一個馬拉盞通菜同埋嘢飲方面就叫咗一個椰青半隻。海南雞嚟到嘅時候，見到份量亦都唔少，其實兩個人食都差唔多，而且肉質嫩滑，雞皮亦都唔會好肥膩，而且配上佢哋店舖嘅辣汁，簡直就係非常惹味。船面嘅話就見到好多餸，差唔多有成四/五大塊嘅生牛肉，而且湯底唔會過鹹，幾適合我嘅口味，同埋配搭上幾粒牛丸，整體上嚟講呢個價錢同埋質素都係非常之抵食。另外叫咗一個馬拉盞通菜，估唔到50幾蚊嘅菜量有咁多，差啲食唔晒，通菜鑊氣好夠，而且調味都係偏濃，所以配搭上和牛船麵食嘅話就啱啱好，亦都可以增添返呢一餐嘅攝取蔬菜份量。由於減肥嘅關係都唔想飲太多甜嘢就直接叫咗一個新鮮嘅椰青，咁店家亦都好窩心咁將椰青放喺一個盤上面先至俾我，因為椰青始終

而家真係好多間水門雞分店呀, 本身食開萬勒個間, 而家隔一條街又開一間, 分散下人流都好等我唔洗排咁耐隊。A5和牛泰式船粉哩個夠滿足呀塊牛大塊又嫩唔會碎濕源, 個湯都好香, 出色~辣肉碎煎蛋飯隻燶邊蛋加分, 仲有肉碎夠多又炒得乾身幾香, 撈飯一流。中意食泰菜既其中一個原因係因為泰菜夠惹味, 好似炒通菜同埋泰式燒腩仔咁, 個腩仔皮脆卜卜, 好咸香, 點埋個辣汁有風味更加好食!!野飲都唔錯有話梅茶同埋龍眼水, 清涼解膩, 配重口味既泰菜就match~

放工去尖沙咀想食個快嘅，又唔想食快餐，厚福街嘅水門雞飯都不失為一個好選擇，店面乾淨企理又夠大。本身以為菜式種類好少，結果出乎意料地多，甜品都有兩款🐣🔻水門雞飯不嬲泰國嘅水門雞飯就係冇乜雞味，不過肉質夠滑同醬汁搭救，呢間連鎖店都完美copy到個精髓✔️🔻泰式炒通菜唔食得辣嘅人士嘅福音❗️竟然有得俾揀唔辣，仲要好夠鑊香❤️‍🔥 不過同伴就覺得辣一定會更好味💁🏻‍♀️🔻原隻燒魷魚必點❗️燒完都保留到水份，同埋竟然係醬燒嘅感覺，唔會乾柴❗️❗️超入味❗️溫馨提示醃料本身少少辣🌶️🔻斑斕大菜糕真心唔錯，有斑斕嘅香味，冇咗大菜糕嗰種令人不適的味道🙂‍↕️🙂‍↕️ 接受程度好高嘅一道甜品，正❤️‍🔥

突然好想食海南雞飯，就嚟咗呢一間位於厚福街嘅水門雞飯。水門雞飯，加咗$10轉雞髀，呢度好好仲可以多飯唔使額外加錢，雞髀肉好嫩滑，飯粒充滿雞油香，粒粒分明，配埋個辣辣地嘅醬汁食，仲送埋碗好香濃雞味嘅雞湯，好似真係去咗曼谷咁呀。😍😍鳳尾蝦炒金邊粉，都有四大隻蝦，蝦肉爽口彈牙，估唔到呢度嘅金邊粉炒得好有鑊氣，加埋個辣粉食真係好惹味。三串串燒豬份量都幾多，燒得好香口同惹味。芒果糯米飯芒果份量多，糯米飯幾軟糯。芒果冰芒果味好出，飲得出用料豐富，呢個價錢幾值得。菊花茶 唔會太甜，菊花味幾出，食完啲濃味食物剛好做到個平衡。呢到叫左主食就可以用優惠價加點嘢飲同小食，性價比真係幾高👍👍