影片
更多
2024-08-01
202 瀏覽
「EaT燒肉」是一間以外星人主題日式燒肉專門店，由下單到送餐都是全自助，還會使用飛船運送野食到你面前（不過時間有限，唔好掛住影相，因為夠時間佢就返航,我就係掛住影相，睇住佢返左屋企，要麻煩待應哥哥叫佢出番黎😂）。餐廳環境好靚，所有佈置都好仔細，絕對係打卡必去嘅餐廳。Eat燒肉主打多款燒肉套餐，有Prime Grade牛肉到宮崎A5和牛，套餐配了和風湯，沙律及白飯，加多$15就可升級紫菜溫泉雞蛋飯，性價比非常高。唔夠食重可以單點其他肉類，蔬果。今日就叫左個1.宮崎A5和牛(肩胭胛肉眼心，上等牛肩胛，肩胛腋板）（100g)套餐配沙律+和風湯+紫菜溫泉蛋飯200g $178+$15宮崎A5和牛，肉質鮮嫩多汁，品質一流。套餐中包含的沙律（個汁撈埋好好味）及麵豉湯正。紫菜溫泉蛋飯更是美味可口，肉眼心，牛肩胛，肩胛腋板全部都好好食，大火快煎兩邊幾秒再加上溫泉蛋飯一齊入口，極之惹味。我煎到面脆內嫩，入口彈牙有肉汁，厚度適中，有口感得嚟又好滑嫩。2.水冷面 $48第一眼望落去有西瓜，賣相好靚好啱打卡，同泡菜放埋一齊食落去發現二者有一個相互嘅作用。泡菜、酸蘿蔔的味道酸甜適中，非常開胃，而西瓜則清爽可
Eat燒肉主打多款燒肉套餐，有Prime Grade牛肉到宮崎A5和牛，套餐配了和風湯，沙律及白飯，加多$15就可升級紫菜溫泉雞蛋飯，性價比非常高。唔夠食重可以單點其他肉類，蔬果。
今日就叫左個
1.宮崎A5和牛(肩胭胛肉眼心，上等牛肩胛，肩胛腋板）（100g)套餐配沙律+和風湯+紫菜溫泉蛋飯200g $178+$15
宮崎A5和牛，肉質鮮嫩多汁，品質一流。套餐中包含的沙律（個汁撈埋好好味）及麵豉湯正。紫菜溫泉蛋飯更是美味可口，肉眼心，牛肩胛，肩胛腋板全部都好好食，大火快煎兩邊幾秒再加上溫泉蛋飯一齊入口，極之惹味。我煎到面脆內嫩，入口彈牙有肉汁，厚度適中，有口感得嚟又好滑嫩。
2.水冷面 $48
第一眼望落去有西瓜，賣相好靚好啱打卡，同泡菜放埋一齊食落去發現二者有一個相互嘅作用。泡菜、酸蘿蔔的味道酸甜適中，非常開胃，而西瓜則清爽可口，爲水冷面帶來清新感覺。還配有青瓜絲、蛋，配合一齊，令人耳目一新，味道開胃得嚟好fresh好好味，極度推薦大家一定要試一下。
今日只叫了一個套餐，就加幾個配料添食，包括
1.A5肋條肩頸肉（50g) $82
餐單表明係稀有部位，當然要試一試，入口好味
2.Prime Grade牛五花（50g) $32
牛五花脂肪分佈均勻，口感嫩滑多汁
3.魷魚下足（50g) $28
燒起嚟好香好彈牙，個厚度好好食，不過要小心中火煎，我就煎咗8分鐘左右，男朋友煎燶咗🤣
4.薄牛舌（50g) $28
厚度適中，不韌😋，大火煎幾下已ok
5.日本雞爽肉（50g) $20
雞肉非常嫩口，彈牙似雞軟骨mix肉嘅質感，入口時充滿肉汁，好香
甜品
焙茶奶凍 $22，綠茶奶凍 $22
兩款奶凍都好出色，好Q彈，焙茶綠茶味都好重，入口好好creamy，極度推介一定要試。因為我係一個綠茶控，個人特別推介綠茶奶凍，真係個味好出好正！
飲品
白檸波子汽水 $18
白桃烏龍眼泡茶 $15
今餐所有餐點（$559）都好出色，色香味俱全，餐廳環境靚，最啱去打卡
全5🌟
張貼
