影片
更多
2016-09-26
6300 瀏覽
MOKO店開業冇耐，經過就黎試下。先唔好講野食，個環境好舒適好靚，尤其係靠窗的位置，好有特式又舒適~ 被安排坐近門口位置，鄰桌食客高談闊論，全程聽到晒佢地既對話，可唔可以細聲少少。食客唔多，其實可以安排食客分開啲坐，大家有私隱，食都舒暢啲最值得一讚係呢間店全部店員都好有好有禮貎，真心喜歡!!!坐位上有USB义電話，好窩心:揀左最平既90分鐘放題，$108進口牛肉放題!有新湯底，兩款都好吸引，梗係要個鴛鴦鍋。青檸骨膠原鰹魚湯底: 鰹魚湯入面有清新青檸同香茅味，真係好FRESH好正，大愛~~ 黑蒜醬油湯: 濃濃黑蒜味，好特別，但偏咸。醬油區:四品海鮮盛合: 去每間分店食都係咁正，同相片相乎，水準都係咁高。廣島蠔煮完都唔會點縮水又juicy又軟滑，魷魚"林"又有渣，蝦又爽口，仲配搭皇帝菜!!牛肉: 賣相靚又幾好食。曾經同家人去某分店食呢個進口牛肉晚餐放題，第一碟黎既牛六成肥肉四成瘦肉，真係好驚嚇，咁肥，點入口!? 向店員要求更換，店員話: 呢款牛係咁架喎。 你估我第一日食牛涮鍋咩。最後換左一碟五成肥肉五成瘦肉，都係滿滿肥肉，惟有食其他野食。此分店從此BLACK LIST!雞肉同豚肉都唔錯:
先唔好講野食，個環境好舒適好靚，尤其係靠窗的位置，好有特式又舒適~ 被安排坐近門口位置，鄰桌食客高談闊論，全程聽到晒佢地既對話，可唔可以細聲少少。食客唔多，其實可以安排食客分開啲坐，大家有私隱，食都舒暢啲
最值得一讚係呢間店全部店員都好有好有禮貎，真心喜歡!!!
坐位上有USB义電話，好窩心:
揀左最平既90分鐘放題，$108進口牛肉放題!有新湯底，兩款都好吸引，梗係要個鴛鴦鍋。青檸骨膠原鰹魚湯底: 鰹魚湯入面有清新青檸同香茅味，真係好FRESH好正，大愛~~ 黑蒜醬油湯: 濃濃黑蒜味，好特別，但偏咸。
醬油區:
四品海鮮盛合: 去每間分店食都係咁正，同相片相乎，水準都係咁高。廣島蠔煮完都唔會點縮水又juicy又軟滑，魷魚"林"又有渣，蝦又爽口，仲配搭皇帝菜!!
牛肉: 賣相靚又幾好食。曾經同家人去某分店食呢個進口牛肉晚餐放題，第一碟黎既牛六成肥肉四成瘦肉，真係好驚嚇，咁肥，點入口!? 向店員要求更換，店員話: 呢款牛係咁架喎。 你估我第一日食牛涮鍋咩。最後換左一碟五成肥肉五成瘦肉，都係滿滿肥肉，惟有食其他野食。此分店從此BLACK LIST!
雞肉同豚肉都唔錯:
有沙律吧:
飲品好多選擇。有果汁、汽水、多款茶包、仲有即磨咖啡，好開心:
配料配菜區，好多選擇，明亮清潔整齊!!
甜品櫃:
仲有雪糕，TOPPINGS擺得好整齊，見到都開心。仲有雪糕筒。雪糕有牛奶雪糕，好好味。仲有抹茶乳酪雪糕，其實乳酪既酸味同抹茶係MIX唔埋呢個配搭好怪，唔太啱我口味!
食完冇剩野，就可以用紅咭換綠咭，唔做大嘥鬼:
百幾蚊捧住個肚走，各方面都好優良，水準遠超其他分店，I LIKE IT!
張貼
