影片
更多
2019-07-01
3667 瀏覽
好多年前到訪韓國嘅濟州島，當地有一個著名嘅景點「濟州民族村博物館」（拍攝「大長今」嘅取景地之一），晌裡面有好多唔同特色嘅韓屋，不過，今晚同老友聚聚舊嚟到金吧利道近尾嘅「韓屋」（Hanook），就完全唔喺嗰啲「韓屋」啦。一室新潮裝修，白色為主調，配以木系枱櫈，不過，由於幾面牆都掛上霓虹燈，再加上大電視不停播放唔同嘅韓國男團、女團或韓劇片段，所以，令整個環境變得更潮、更喺一股「韓」氣。韓式前菜雖然潮，都如傳統般奉送兩小碟韓式前菜嚟，酸酸辣辣嘅泡菜及醃蘿蔔粒，味道不俗，但稍嫌兩樣味道都比較近似，可以嘅話有唔同嘅選擇就更好。翻翻餐廳，菜式應叫貴精不貴多，人蔘雞湯系、韓式豬湯系、韓式牛湯系、韓式拌飯、餃子、煎餅及飲品。餃子湯 $118啲餃沉晒底，就當然無餐牌張相嘅賣相咁靚仔，揀呢道菜就諗住有湯飲，又有餃食。咪睇個湯「白潺潺」咁，其實，幾濃牛骨湯香味，但卻一啲都唔油膩。除咗餃子，湯內仲有啲牛肋肉片，整體味道真喺好唔錯。蕎麥麵 $20所有湯品都可以追加飯或麵條，我哋就想試試啲蕎麥麵喇，一份有兩大炷麵條，麵條有嚼勁，又有蕎麥嘅味道，佐以牛骨湯，估唔到又幾好食喎。醬炒牛肉石鍋芝士拌飯 $128石頭鍋飯喺
一室新潮裝修，白色為主調，配以木系枱櫈，不過，由於幾面牆都掛上霓虹燈，再加上大電視不停播放唔同嘅韓國男團、女團或韓劇片段，所以，令整個環境變得更潮、更喺一股「韓」氣。
韓式前菜雖然潮，都如傳統般奉送兩小碟韓式前菜嚟，酸酸辣辣嘅泡菜及醃蘿蔔粒，味道不俗，但稍嫌兩樣味道都比較近似，可以嘅話有唔同嘅選擇就更好。
翻翻餐廳，菜式應叫貴精不貴多，人蔘雞湯系、韓式豬湯系、韓式牛湯系、韓式拌飯、餃子、煎餅及飲品。
餃子湯 $118啲餃沉晒底，就當然無餐牌張相嘅賣相咁靚仔，揀呢道菜就諗住有湯飲，又有餃食。咪睇個湯「白潺潺」咁，其實，幾濃牛骨湯香味，但卻一啲都唔油膩。除咗餃子，湯內仲有啲牛肋肉片，整體味道真喺好唔錯。
蕎麥麵 $20所有湯品都可以追加飯或麵條，我哋就想試試啲蕎麥麵喇，一份有兩大炷麵條，麵條有嚼勁，又有蕎麥嘅味道，佐以牛骨湯，估唔到又幾好食喎。
醬炒牛肉石鍋芝士拌飯 $128石頭鍋飯喺韓國特色食品之一，小弟亦頗鍾意呢種菜式。一如常見嘅韓式拌飯，加入咗好多配料，如菠菜、甘筍絲、大豆芽……等等，排列整齊，加上以大醬炒過嘅牛肉，撈埋一齊食，口感豐富，味道富層次，底下仲有少少飯焦，但就嫌佢落得芝士少，只喺飯面微微有啲芝士碎。
聚聚舊，簡單食餐便飯，都喺噓「韓」問暖，講韓劇，開正我嗰瓣啦，近期推介，就「Voice 3」啦，前排嘅「我的國民」故事都夠搞笑架。
張貼
