La Barra Tapas Spanish Restaurant

營業中

休息中

之前同老公喺長沙灣食過一次，之後約咗幾個姊妹去中環分店食第二次，兩次過體驗都係非常好，係有少少貴。今日經過長沙灣舖頭，多咗好多新菜式，所以試食。舖頭嘅食物水準非常好超級推薦紅蝦飯，服務員會幫手將紅蝦頭嘅蝦膏撈飯入面，算係我食過最有蝦味嘅龍蝦飯，不過份量比較少，可以話係一人份量；隻紅蝦好香，係半熟嘅狀態，有少少刺身嘅狀態，甜，不過肉身比較軟。以前飲過佢哋西班牙嘅Sangria，好姊妹們都非常喜歡；今日日頭所以叫咗peach Special tonic，好味和咖啡味相當平均，我覺得剛剛好，但老公覺得少少甜。還有薯仔魷魚，針對呢個菜，其實有另一間比較好食，不過整體水平都唔錯，建議廚師可以花少少心機喺薯仔溶，盡量令到薯仔同魷魚更加融為一體，體驗為更佳。小眾推薦小青椒，個人很喜歡，覺得好清爽，不過老公覺得有少少青味，我就覺得係蔬菜嘅甜味。