影片
更多
2025-03-25
964 瀏覽
記得上次去過銅鑼灣嘅板神鐵板燒，今次食過返尋味，試吓觀塘分店，今次食嘅係lunch，可能會仲抵？原來佢lunch有一個驚安鐵板燒menu，只需$428就可以食到原隻龍蝦😱，實在太誇張。而且呢個餐已經包埋牛舌芯、前菜、沙律、唔同級數嘅肉($428嘅係薄燒日本豚肉)、湯同甜品等等，已經非常豐富。活龍蝦(原隻)所言非虛，龍蝦燒緊嗰陣仲係識郁。由於龍蝦係每位一隻，所以切完出嚟有相當多嘅肉，加上特製醬汁，真係食極唔厭。出邊啲鐵板燒淨係龍蝦都要呢個價了…牛舌芯每位份量會切成四片，所以份量都唔少。牛舌芯未煮起已經聞到好香，咬落就係最高質嘅牛舌質感同味道了。澳洲和牛 (厚燒set $578)$428餐包嘅係日本薄燒豚肉，升級其他肉可以有其他選擇。我個人推薦呢個澳洲和牛。雖然佢唔係最高級，但入口牛味油香質感全兼備，係全方位嘅滿足感，性價比亦都係最高。A5日本和牛 (厚燒set $678)當然食到A5和牛就冇咩好講，油香爆炸，入口即溶就係基本。師傅會建議煮到medium，其實我自己可以食得更生😆。其實我幾鍾意師傅嘅調味，幾均勻亦唔會唔夠味。和牛漢堡(加配$98)睇住師傅砌呢個和牛漢堡真係享受。師傅會將漢堡
原來佢lunch有一個驚安鐵板燒menu，只需$428就可以食到原隻龍蝦😱，實在太誇張。而且呢個餐已經包埋牛舌芯、前菜、沙律、唔同級數嘅肉($428嘅係薄燒日本豚肉)、湯同甜品等等，已經非常豐富。
活龍蝦(原隻)
所言非虛，龍蝦燒緊嗰陣仲係識郁。
由於龍蝦係每位一隻，所以切完出嚟有相當多嘅肉，加上特製醬汁，真係食極唔厭。出邊啲鐵板燒淨係龍蝦都要呢個價了…
牛舌芯
每位份量會切成四片，所以份量都唔少。牛舌芯未煮起已經聞到好香，咬落就係最高質嘅牛舌質感同味道了。
澳洲和牛 (厚燒set $578)
$428餐包嘅係日本薄燒豚肉，升級其他肉可以有其他選擇。我個人推薦呢個澳洲和牛。雖然佢唔係最高級，但入口牛味油香質感全兼備，係全方位嘅滿足感，性價比亦都係最高。
A5日本和牛 (厚燒set $678)
當然食到A5和牛就冇咩好講，油香爆炸，入口即溶就係基本。師傅會建議煮到medium，其實我自己可以食得更生😆。其實我幾鍾意師傅嘅調味，幾均勻亦唔會唔夠味。
和牛漢堡(加配$98)
睇住師傅砌呢個和牛漢堡真係享受。師傅會將漢堡包亦都煎香，跟住逐層疊上去，成為一個完整漢堡，和牛嘅漢堡咬落當然會爆汁！
櫻花蝦炒飯
炒飯有咩好講？師傅煮之前會先問吓再做人士有咩唔食，對我呢啲唔食蔥同洋蔥嘅人講簡直係天堂，我亦都覺得佢會問，其實係好細心，唔使我自己主動講出口。炒飯本身乾身無比無話可說。
其他嘢食，包括前菜沙律、甜品、用龍蝦頭煲嘅湯等等，都各有特色。最重要係每道菜都會有一定擺盤，突顯餐廳嘅心思。最後要讚嘅係環境，佢一間房大約只會坐六個人，唔會好迫，大家都好近師傅可以傾偈，呢個格局係好唔錯。
最後要留意，呢個驚安set淨係lunch先有。
張貼
