影片
更多
2024-02-11
1211 瀏覽
金鐘 📌翡翠拉麵小籠包年廿九收工突然間好掛住翡翠嘅擔擔麵，就同豬隊友去咗金鐘嘅翡翠拉麵小籠包。我想話金鐘呢間分店，一向有水準，質素係最穩定。▫️ 脆皮春卷（3條) $42個皮勁香脆，上枱熱辣辣，入邊包住蘿蔔絲、椰菜絲等，口感滿滿 😍▪️花雕醉雞 $85（+10 轉脾）呢個醉雞，每次都係我必點，今次我就無轉脾。我最鍾意呢度花雕酒香，真係好好味 😋 陣陣酒香滲入🐔肉內，雞皮薄而爽口，肉質鮮嫩，一如以往嘅好水準 😋▫️上海小籠包 （4件）$58呢個真係要趁熱食 🤤 包內湯汁肉汁，令人回味無窮，呢度嘅上海小籠包，一直維持好嘅水準 ~正呀 ☺️▪️ 鮮肉鍋貼 （4 件）$55豬隊友最鍾意食呢度嘅鍋貼 🥟 佢話外層嘅皮煎得又香脆，肉餡比小籠包更 juicy 。▫️招牌擔擔拉麵 $72呢間分店嘅擔擔麵，麵賓爽滑，湯頭香濃，係我食過最好味嘅。我最鍾意佢個湯底，充滿濃鬱芝麻花生醬香味兼帶著輕微辣味，湯內仲有花生碎、腰果碎 ~ 好有誠意 😍 豬隊友話如果有得加$要塊炸豬扒，就十分完滿 💯哈哈 😆 貴店真係可以諗諗佢 🙏🏻▪️桂花酒釀小丸子 $36真心講呢度真係平 • 靚 • 正 🧡先講細細粒嘅小丸子，煙煙靭靭，淡淡桂花
年廿九收工突然間好掛住翡翠嘅擔擔麵，就同豬隊友去咗金鐘嘅翡翠拉麵小籠包。我想話金鐘呢間分店，一向有水準，質素係最穩定。
▫️ 脆皮春卷（3條) $42
個皮勁香脆，上枱熱辣辣，入邊包住蘿蔔絲、椰菜絲等，口感滿滿 😍
▪️花雕醉雞 $85（+10 轉脾）呢個醉雞，每次都係我必點，今次我就無轉脾。我最鍾意呢度花雕酒香，真係好好味 😋 陣陣酒香滲入🐔肉內，雞皮薄而爽口，肉質鮮嫩，一如以往嘅好水準 😋
▫️上海小籠包 （4件）$58呢個真係要趁熱食 🤤 包內湯汁肉汁，令人回味無窮，呢度嘅上海小籠包，一直維持好嘅水準 ~正呀 ☺️
▪️ 鮮肉鍋貼 （4 件）$55豬隊友最鍾意食呢度嘅鍋貼 🥟 佢話外層嘅皮煎得又香脆，肉餡比小籠包更 juicy 。
▫️招牌擔擔拉麵 $72呢間分店嘅擔擔麵，麵賓爽滑，湯頭香濃，係我食過最好味嘅。我最鍾意佢個湯底，充滿濃鬱芝麻花生醬香味兼帶著輕微辣味，湯內仲有花生碎、腰果碎 ~ 好有誠意 😍 豬隊友話如果有得加$要塊炸豬扒，就十分完滿 💯哈哈 😆 貴店真係可以諗諗佢 🙏🏻
▪️桂花酒釀小丸子 $36真心講呢度真係平 • 靚 • 正 🧡先講細細粒嘅小丸子，煙煙靭靭，淡淡桂花香揉合酒釀香氣，扣人心弦 💞
🔅總括而言，我覺得翡翠拉麵小籠包係一間高質嘅餐廳，而灣仔分店水準一直都好好，我會繼續回訪 🥢
張貼
