海記合桃坊甜品 (已結業)

每次剪完頭髮嘅指定動作，就係去海記食返個合桃露！平時多數都係食莎莎合桃露，今日想飽肚啲，就食個合桃豆腐花！呢度嘅豆腐花滑嘟嘟，豆味又重，配埋又滑又香口嘅合桃露，簡直係天衣無縫！不過又係掛住食，唔記得影相⋯唯有影住餐牌先⋯雖然今次冇食，但係我都想介紹一下呢度嘅莎莎合桃露，因為呢個先係我嘅最愛所謂既莎莎就係香烤嘅合桃碎，加埋落香滑嘅合桃露，除咗增加口感，亦令佢嘅香味更加濃郁，將合桃露提升去另一個層次!剪個靚髮食個糖水，心情靚足一日!