至尊雲吞麵雞煲

營業中

休息中

首先客觀講吓其實早餐同下午茶質素ok ge，一路keep到質素，不過真係唔會再幫襯。早前，手機訊號問題Qr code落唔到單要侍應幫手，叫完餐，侍應Double confirm時錯漏百出，連公司餐內容也不太清楚，呻左一句「又搞錯？」，隨即一直被企喺度嘅另一位四眼惡侍應憤怒目視，點知最後送來既項目都係搞錯咗，仲話我求佢換貨，要我注意態度，出門口更被人身攻擊。其實做侍應連公司有咩賣都唔知，錯完一樣又錯一樣，仲要黑客人面，咁惡邊夠膽換過？個人最差嘅一次飲食體驗，純粹個人體驗。唔驚可以去體驗吓。建議去天水圍或屯門嗰間食，避免踩雷。起碼時候打去投訴呢個事件嘅時候，得到嘅回應都係正常友善，我諗人事管理爭好遠。