竹家

營業中

休息中

呢間居酒屋位於紅磡巷仔內唔係咁起眼，但我已經嚟過無數次，每次都總係會吸引我返轉頭。佢係由真。日本人開嘅，所以好有日本風，入到嚟真係有置身日本嘅感覺～但居酒屋裡面嘅坐位唔多，若你想試嘅話緊記要先訂咗，walk-in 通常都無位嘅，我已經撞過好多次板啦。。。Menu上嘅差唔多到試過晒，牛脷係我每次必點嘅項目，燒嘅時間啱啱好，保持到嫩滑（其他餐廳通常做到好靭）。第二吸引我嘅係年糕，係串燒入面少有嘅甜食，唔會太甜而且外脆內軟。淨食串燒好難食得飽，所以我通常會搭飯團或者烏冬，普通嘅食物都依舊做得好味道。雖然出菜比較慢，但係全都是即叫即做，送上枱果下包保熱辣辣，好正架！