El Cerdo (伊利近街)

營業中

休息中

周未慢食個午餐最爽皮！西班牙野食真係好適合週末時間，五個英文字Tapas，就係慢活生活嘅精髓，中文大致就係小食。小食唔係指份量好少嘅嘢食，而係份量岩岩好一口一個，咁就就可以方便一路食嘢一路傾計，諗下你成餐掛住切牛扒，或者剝蝦拆蟹，你邊有心機同人傾計呀。🍖青口配chorizo 腸，鮮嫩又惹味，已經算係全餐之中，稍為要自己處理下嘅一道菜，但其實青口煮到用叉一拮就好容易離殼，而殼嘅用途，就係用黎優雅地畢埋湯汁一齊飲。🍖Gambas Pil Pil 就係類似蒜蓉煮大蝦，你冇野做架，用個羹連蒜蓉汁同蒜片畢起大蝦就食。個汁感受看似有d油，但其實純香嘅蒜油同埋爽脆既蒜片為鮮蝦帶來嘅濃厚口味，令人非常好滿足。🍖有個鋪滿新鮮蕃茄碎既脆餅，唔記得叫咩名，但蕃茄清新，餅底又脆，舒服有口感。🍖就連食麵都簡單過人，因為短麵嘅關係，唔需要成條夾起，夾極都夾唔完，論論盡盡，而且上面既鮮蝦同墨魚圈已經切好哂，又係用匙羹畢起用墨魚汁調味既短麵同埋配料，就可以舒服食用。🍺✨️全部野都咁容易進食，調味又做得好，配埋杯Sangria同churros ，同朋友傾計嘅時光變得特別開心！