豉油皇炒麵
麵質乾爽，食落好有鑊氣，配料有芽菜、蔥段、洋蔥同埋芝麻，整體份量少咗啲，一個人食未必夠飽。
精瑩鮮蝦餃
蝦餃中間有蝦粒，蝦肉爽口，未至於覺得特別新鮮，整體皮薄，唯獨係細粒咗少少，整體還可以
鮮蝦燒賣皇
質素還好嘅燒賣，蝦肉同埋豬肉打得比較腍冇係嗰陣爽口嘅感覺，唔算好大粒，不過不失
煎蛋牛肉飯
牛肉係蒸牛肉餅，食落入味，質地細滑唔嘞，蒸飯嘅飯粒分明，有少少咬口，配埋蒸飯甜豉油香口又好食
蠔皇鮮竹卷
鮮竹卷都幾大件，一疊有三件，醬汁做得幾好食，整體唔錯
豬頸肉撈粗麵
醬汁稍為有啲淡味，燒豬頸肉燒得幾香口同入味，份量唔多，另外附上清湯，清湯都算濃味。
好少見地原來呢度有冷泡茶，大熱天時飲冷泡茶真係好舒服，我哋叫咗白桃烏龍，飲落濃度啱啱好，有清新嘅白桃香同淡然既烏龍茶香，非常清新。
