曼谷車站

營業中

休息中

朋友帶我去得寶商場話入面1樓有間餐廳好得意，去到餐廳門口見到間餐廳格局真係好特別，好似去左個火車站甘，入面都好多客人，外面裝飾到好似一架火車頭同綠色既車身仲安排左我地坐有車窗既卡位，車窗好大個，好似置身响火車入面食飯甘，我地叫左一碟炒金邊粉，金邊粉炒得香口，入口酸酸甜甘，加埋芽菜，韮菜，豆腐乾，花生同青檸都幾fresh，不過如果可以再大碟d就好。哈哈。之後叫左碟黃咖哩牛腩，咖哩味入口唔算太辣，少少甜甘，牛腩好淋，薯仔入味。再叫左碟炸蝦餅，蝦餅好厚肉，點埋酸梅醬好醒胃，唔會好油膩，份量岩岩好。珍多冰，椰奶味香濃，入面既涵好有嚼口，幾好飲。