紅島冰廳

營業中

休息中

今日突然間好想食西多士，嚟到旺角嚟咗食紅島冰廳估唔到平日下午茶時段嚟到都好多人，見到餐牌上面非常之多款式都吸引於是我哋就嗌咗三個餐再額外叫多咗個常餐瑞士雞翼撈丁常餐瑞士汁超級好味！雞翼同埋個麵都好入味，旁邊配嘅炒蛋多士都唔媽虎，炒滑蛋超級香牛油味而且好滑鹹牛肉潛艇裏面嘅滑蛋鹹牛肉超級足料，我相信一個人食唔晒因為真係好大份，而且鹹牛肉滑蛋同樣都做得好出色，下面嘅熱狗包亦都烤得好脆鮮茄焗豬扒飯雖然係下午茶餐但係份量一啲都唔減少！豬扒醃得好淋而且相當之多，下面嘅炒飯底做到粒粒分明好好食西多士最原始嘅西多士果然係最好食，炸得啱啱好一啲都唔油膩而且鍾意花生醬夾係中間嘅配搭，牛油放喺新鮮嘅西多士上面半溶狀態超級邪惡！酥皮蛋撻估唔到茶餐廳做嘅酥皮蛋撻都做得不錯，酥皮做得層次分明而且蛋漿又夠滑下次一定要試埋菠蘿油同埋其他炒粉麵！