頂立 (裝修中)

環境：有心思日系裝修。店鋪門口燈籠搖曳，遠睇已經非常有識別性😚入內有多個日式面具掛在場上裝飾，另有大大個霓虹燈牌展現店主生活態度。特色：店舖主打烏冬、咖啡！ 烏冬湯底自家製作，採用天然目囉鰹魚,風乾昆布、特選醬油、清酒烹調成鰹魚昆布湯。我今次食嘅兩款烏冬就係用呢個湯底再on top 加入唔同食材進化成而成。腐皮燒魷魚湯烏冬加入一夜干魷魚，湯底鮮甜。 燒魷魚焦香有咬口，腐皮盡吸湯精華☺️腐皮燒帆立貝干貝湯烏冬加入廣島干貝，比較清甜，帆立貝大大粒好滿足，烏冬質地彈牙滑溜。另外如果鍾意飲咖啡，一定要飲佢哋嘅冷萃咖啡，入口沁涼順口，後勁散發朱古力同果香味，好有層次。另外叫咖啡時，老闆話如果先飲一啖咖啡，再飲一啖烏冬嘅湯，咁會帶出湯底嘅鮮甜味，我試完都覺得好神奇。而朋友個杯lemonade係店主自家製，檸檬味好香好出，但又唔會過酸。非常神奇