影片
更多
2024-08-08
306 瀏覽
Black Coffee 今次推介喺旺角廣華街有一間暗黑嘅cafe叫「Black Coffee 」，連招牌都用黑色紙遮住，名都無真係非常隱世，輪椅人士如果要入去嘅話，就要自備斜板，cafe門口有一級，入到去餐廳以全黑裝修為主，座位雖然好少，但都方便輪椅人士入去幫襯，店員好有禮貌招呼我，職員仲唔會趕人走，第一次嚟感覺好唔錯！1.炸口水雞印度香飯$108+Apple Juice $12（9/10）呢碟炸口水雞印度香飯個飯有少少硬，炸雞咬落好juicy，辣辣地好惹味！飲品就揀咗蘋果汁，唔會好甜唔錯！2.牛油蒜香黑醋意大利粉配虎蝦$96+是日餐湯（紅椒蕃茄湯）$18+Blackccino$10（9.5/10）呢碟牛油蒜香黑醋意大利粉配虎蝦份量算多，蒜香配黑醋味道唔錯，意大利粉唔會硬，夠淋身，仲有3隻大虎蝦仁，虎蝦人夠爽。是日餐湯係紅椒蕃茄湯，個湯好濃稠，飲落滿口蕃茄味，好好飲！飲品就揀咗Blackccino咖啡，味道苦甘，無任何酸味，好飲！3.曲奇忌廉窩夫配朱古力雪糕（半份）$72（9.5/10）呢個曲奇忌廉窩夫配朱古力雪糕揀咗半份，半份份量都好多，窩夫都有3件，窩夫面頭都有七彩棉花糖，仲
今次推介喺旺角廣華街有一間暗黑嘅cafe叫「Black Coffee 」，連招牌都用黑色紙遮住，名都無真係非常隱世，輪椅人士如果要入去嘅話，就要自備斜板，cafe門口有一級，入到去餐廳以全黑裝修為主，座位雖然好少，但都方便輪椅人士入去幫襯，店員好有禮貌招呼我，職員仲唔會趕人走，第一次嚟感覺好唔錯！
1.炸口水雞印度香飯$108+Apple Juice $12（9/10）
呢碟炸口水雞印度香飯個飯有少少硬，炸雞咬落好juicy，辣辣地好惹味！
飲品就揀咗蘋果汁，唔會好甜唔錯！
2.牛油蒜香黑醋意大利粉配虎蝦$96+是日餐湯（紅椒蕃茄湯）$18+Blackccino$10（9.5/10）
呢碟牛油蒜香黑醋意大利粉配虎蝦份量算多，蒜香配黑醋味道唔錯，意大利粉唔會硬，夠淋身，仲有3隻大虎蝦仁，虎蝦人夠爽。
是日餐湯係紅椒蕃茄湯，個湯好濃稠，飲落滿口蕃茄味，好好飲！
飲品就揀咗Blackccino咖啡，味道苦甘，無任何酸味，好飲！
3.曲奇忌廉窩夫配朱古力雪糕（半份）$72（9.5/10）
呢個曲奇忌廉窩夫配朱古力雪糕揀咗半份，半份份量都好多，窩夫都有3件，窩夫面頭都有七彩棉花糖，仲有一球朱古力雪糕同大約5塊oreo餅乾，喺甜品嚟講都算好吸引！
4.雙重芝士炸薯條$88（9/10）
呢個雙重芝士炸薯條個薯條外面唔係香脆，係淋身薯條，芝士味都算出，咬落薯條薯仔味好濃，薯條份量都算多，大約50條薯條！
2人總共價錢$444，有加一服務費！
個人口味總評分：9.25/10
@Black Coffee
地址：旺角廣華街3號地下3號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#BlackCoffee #旺角 #旺角好去處 #旺角美食 #cafe #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
