馬祖台灣養生湯麵館 (V Point)

營業中

休息中

之前仲有晚市嘅時候，嚟到登龍街搵嘢食。記得嗰晚天氣凍，想食啲熱辣辣嘅嘢，於是去咗呢間餐廳食碗暖笠笠嘅米線。😋藥膳麻油雞米線湯底味道鮮甜，眼見都有好多紅棗、杞子，雲耳，不過可能因為麻油雞嘅關係，個湯底都幾油。略嫌藥膳味唔夠重，被麻油味完全蓋過咗。雞件都算嫩滑，麻油味好香好惹味。米線份量唔算好多，好肚餓嘅話可能要加多份小食先夠飽。😋鹽酥墨魚春卷（3條）最優勝嘅地方係佢真係熱辣辣，炸得好脆口，已經成功咗一半！墨魚春卷味道不過不失，係好典型會喺台灣食到嘅鹽酥味道。