味仟食店

營業中

休息中

天氣轉涼，所以夜晚想食返個煲仔飯暖下身。我地8點左右去到，前面已經有6，7個人排緊隊。不過喺排隊時職員已經幫我地落咗order先，所以就算佢係即場用炭火整每一個煲仔飯，都唔洗等太耐，由排隊開始計，大概40分鐘個煲仔飯已經喺我地面前。 我地叫咗辣雞煲仔飯，辣肉餅潤腸煲仔飯，同一碟馬拉盞通菜。兩煲嘅餸都唔錯，我幾鍾意個肉餅，肥瘦適中。飯嘅份量剛剛好，飯焦刮就甩，夠脆又唔會太焦，火喉控制得👍。最令我印象深刻係佢嘅「辣」，味道似辣豆瓣醬，不佢另外再加咗蒜同蔥，非常惹味。 不過有心理準備鋪頭比較細，要坐得逼少少。