豚豚食堂

營業中

休息中

外面落著傾盆大雨，搵間餐廳食晚飯，順道避雨。北角匯有好多選擇，突然想食日式，就嚟咗豚豚食堂。呢間食堂有好多種類，咖喱，拉麵，鍋物或丼定食都有，不過落雨濕笠笠有點寒，點了一個牛肉壽喜燒定食來暖暖胃。份量剛剛好。牛肉質感以價錢來說尚算ok。我還追加了一碟，真貪食😜。壽喜燒最重要係醬汁，濃而不膩嘅醬汁底，被食材吸盡精華，滋味無窮。其他配菜有金菇，豆腐，菇，旺菜。主食配烏冬，煙煙靭靭有嚼口。套餐包括飲品。