禪

營業中

休息中

今日同朋友去沙田新城市廣場嘅「禪」，貪佢有齊晒我哋最愛嘅梳乎厘pancake同埋日式主食，仲撞正暑假限定優惠——二人定食$498免費升級刨冰！聽到「免費」「免費」「免費」兩個字即刻雙眼發光✨ 定食二人前枝豆｜味噌湯｜炭燒雞串6串｜濃蝦汁意粉｜美國安格斯牛肉月見丼｜新地樂｜波子汽水枝豆+味噌湯打頭陣，炭燒雞串6串即刻送上嚟！雞肉軟腍，帶點炭燒味道。濃蝦汁意粉真係驚喜！幾隻大蝦爽口到彈牙，個汁濃到掛住每條意粉，creamy得嚟又唔膩。美國安格斯牛肉月見丼飯上面鋪滿哂牛肉，撈埋月見蛋黃簡直無敵！牛肉嫩滑唔韌，蛋漿撈飯邪惡到極。+98布朗尼朱古力pancake 主角登場！梳乎厘pancake空氣感十足，搖吓個碟會duang duang震🤤 淋上朱古力醬，再加埋濃郁布朗尼蛋糕，朱古力味爆棚！二人定食$498 本來送刨冰，但今日竟然冇貨！不過餐廳超有誠意，免費升級咗開心果奶蓋芭菲配3.5牛乳抹茶扭紋雪糕，仲驚喜！勁長！有成25cm 高入面有開心果碎+ 開心果奶蓋+丸子+ 3.5牛乳抹茶扭紋雪糕，味覺視覺雙重衝擊。