Wooloomooloo Prime

營業中

休息中

朋友介紹呢間個景觀唔錯，於是乎一早book咗枱，特別要求坐窗口座。一打開lift門，已經覺得間餐廳好有氣氛，餐廳真係安排咗近窗口位置俾我哋，對住個靚靚夜景食飯，唔錯。我哋叫咗龍蝦湯、海鮮扁意粉、西冷扒、凱撒沙律同埋黑松露薯條，仲有焦糖燉蛋。龍蝦湯冇出邊食嘅咁濃郁，但味道都唔錯嘅。海鮮扁意粉就正正常常咁，至於餐廳最出名嘅扒，質素都OK嘅，唔知係咪我哋叫咗七成熟，所以部份位置係老咗少少。凱撒沙律同黑松露薯條就正常發揮，不過黑松露薯條份量算大，兩個人食未必食得晒。最後甜品焦糖燉蛋份量都幾大，兩個人share先啱啱好。整體來講，環境真係唔錯，食物質素都算可以，但都幾full house, 現場都會比較嘈。如果想靜靜地兩個人傾吓計，就要睇吓你附近嘅人客質素。