O’taste (萬年大廈) (已搬遷) 新店位置

買呢個烤牛肉七品配菜便當既時候，店舖岩岩開業，多人到排出門口，不過新店通常都係咁，大家都想試新野便當所有野都煮好哂，夾返落便當盒，但由於太多人都等左2-30分鐘，唔知而家仲係咪咁多人。講返個便當烤牛肉：正常，一貫甜甜地既韓式烤牛肉，牛肉唔算老，微暖泡菜：易入口，唔太辣芝麻菠菜：無特別茄子：無特別薯仔沙律：無特別炸雞：甜酸味、唔乾，不過炸粉厚兼且完全唔熱蛋煎魚肉：無咩味蛋煎肉餅：入口幾彈牙成個便當賣相幾唔錯，色彩繽紛，咩都有d，睇落幾豐富。唔計涼菜，成個便當除左個飯係微暖/室溫（比較介意食物溫度既人要注意下）。不過最重要既係味道方面好普通⋯價錢近百，有牛肉有雞有魚等等，唔算貴。只係味道太一般，試過就算。