蒲羅

營業中

休息中

今日去樂富食野，想食喇沙，女友引想食濃味，就揀左呢間新野。唔駛等位，叫左3樣，茶燻鴨喇沙+老鼠粉+燒豬頸肉，等左15分鐘左右，野食到。老鼠粉賣相幾香口，好似好濃味咁，但食落無睇落咁惹味，主要既味黎自肉碎，底偏咸，但勝在熱辣辣，都好食。（佢有隻蛋撈既 做作用不大）喇沙失望。。。。。。個茶燻鴨即係超市煙鴨胸，好在有好多舊（女友咬唔到個皮）；湯底，偏辣無咩椰香，唔係合格既喇沙。豬頸肉燒得個邊幾香，最好食呢個，正正常常唔會硬。整體黎講都叫不過不失，埋單$250價錢係普備喺香港企理少少既餐廳食喇沙既價錢，唔係貴但唔覺抵。去開呢頭唔知食咩，試下無妨既，我就無下次了。