魚一壽司 (教育路)

營業中

休息中

自己本身好鍾意食日本野，所以見到日本餐廳都會周圍嘗試。今日嚟到元朗見到有間魚一嘅日本餐廳，門口大排長龍，我諗一定有佢過人之處。店舖入面有兩層，下面係廚房， 2樓先係食堂。全店大約有唔夠10張枱，但勝在工作人員算多，所以上菜都好快。但係上樓嘅樓梯都幾危險，因為侍應傳菜都係靠呢條樓梯，但係佢竟然連扶手都冇，上落都咪話唔危險。前菜我哋叫咗個芒果蟹子沙律，分量唔算多但勝在芒果夠甜而且蟹子都幾多，而且沙律醬恰到好處。壽司嘅大小適中，魚身偏簿，但勝在價錢夠平，所以尚可接受，壽司嘅品種都有好多選擇，有唔同嘅食材，壽司，同埋燒物。我食咗一件赤背同北極貝係有沙嘅，而且甜蝦唔夠新鮮。而其他嘅壽司都不過不失，而飯方面都係用日式珍珠米，所以入口都香濃軟熟。始終佢唔係收得貴。