肥仔麵家

營業中

休息中

上星期約咗朋友喺銅鑼灣食飯，但係約得好晏又肚餓，所以就諗住食少少嘢先。喺附近睇過魚蛋燒賣等等嘅小食都好貴，經過呢間肥仔麵家，見佢一款餸嘅魚蛋粉麵都係38蚊姐。我同朋友一人一碗，鮮蝦雲吞河和墨魚丸粗麵，店員仲不停問我哋夠㗎喇？夠㗎喇？菜呢？小食呢？😂好似覺得我哋嗌太少嘢食咁。不過兩碗麵都唔錯嘅，湯底都ok，墨魚丸味道唔錯，爽口彈牙。鮮蝦雲吞就一般唔算好好食，又唔算太差，合格水準。不過喺銅鑼灣黎講每碗38蚊都算係幾抵啦。但又唔算特別推薦囉。