肥仔麵家

營業中

休息中

一向都好鍾意食牛腩麵嘅我.經過見到銅鑼灣呢間好多人食.餐廳都好多種類所以決定試吓!食物:-(牛筋牛肚牛腩)三拼米粉-炸魚皮-炸鮮蝦雲吞-紅豆冰叫咗一個自製牛三寶米粉.牛筋同牛腩都炆得好腍好入味.係我鍾意嘅質感唔會太腍保持應有嘅口感.牛肚非常爽口彈牙👍🏻份量都好多.配埋米粉可以吸晒滷水汁😜炸魚皮非常脆同新鮮冇油益味.鮮蝦雲吞非常大粒都有好多蝦好彈牙.餐廳仲有紅豆冰唔會太甜好味👍🏻整體餐廳夠大坐得好舒適.而且冷氣都好夠.食物種類有好多.仲有提供飯.而且定價都好合理性價比高！

完左training 去左時代廣場行街，行完出面就有間肥仔麵家，竟然唔算貴，5點半食飯仲未有人，包場幾爽😂 嗌左個主食：牛筋牛腩飯牛筋透亮，咬落黏唇膠質爆棚；牛腩燜至鬆化，白飯轉眼清碟！難得是筋腩比例各半，每啖都掛滿肉香。 配個蟲草花燉烏雞湯真・住家火候味！湯色金黃無油花，烏雞燉到肉離骨，蟲草花甜味滲透湯底，飲完喉嚨暖笠笠。 小食即炸蝦卷 外皮超脆，咬開係完整彈牙蝦肉，蘸泰式醬汁係一流！即叫即炸熱辣上桌。

銅鑼灣平民恩物😆幾抵食嘅粉麵家 仲有碟頭飯 原盅燉湯 啱晒上班族價錢經濟實惠 環境乾淨企理 味道都唔錯👍🏻🍲蟲草花燉烏雞湯 單點$43估唔到會有呢啲燉靚湯 睇到啲湯渣都知道幾真材實料 飲落有啲藥材香 味道清甜 好滋補🍜三拼粉麵 $54粉麵可以揀單拼 雙拼或者三拼 價錢$38起今次叫咗鳳城水餃 魚肉春卷 貢丸三款淨餸 但係都好豐富湯底係大地魚湯 濃味但唔油膩 配麵應該唔錯水餃足料大粒 香菇貢丸就好彈牙 春卷口感爽彈 店員仲送咗杯豆漿🥛整體係唔錯嘅平民小店🍜會再幫襯

📍肥仔麵家 (銅鑼灣)銅鑼灣波斯富街84號地舖👉手打墨魚丸拼牛筋粗麵😋😋😋😋.8/5呢碗手打墨魚丸同牛筋粗麵實在好味！墨魚丸彈牙，口感滑溜，牛筋煮得剛好，軟嫩入味。粗麵吸收咗湯底，濃郁嘅味道令人忍唔住想多食一碗。👉白灼鵝腸(小)😋😋😋😋.8/5呢個白灼鵝腸簡直係清新之選！鵝腸鮮嫩，口感爽脆，另上嘅醬油，更加提升咗味道。絕對食！👉炸雞翼😋😋😋😋.8/5炸雞翼外脆內嫩，香氣四溢，真係好惹味！每一啖都有滿滿嘅雞肉，醃製得恰到好處，咬下去汁液四溢，絕對係必點！👉杜候牛腩(小)😋😋😋😋.8/5杜候牛腩煮得超級入味，牛腩軟腍，湯底濃郁，帶有一絲香料味。每一口都令人感受到肉質嘅鮮美，勁惹味！雖然話係小份，但份量絕對唔少！👉蟲草花燉烏雞湯😋😋😋😋.8/5呢碗蟲草花燉烏雞湯味道清淡，但非常滋補。湯底鮮甜，烏雞肉質滑嫩，蟲草花更添一份獨特香氣。每一口都好舒服，特別適合養身，令人飲完之後覺得精神焕發！👉菜芯😋😋😋😋.8/5保留咗菜心本身嘅清甜味，味道更加突出，口感爽脆!!👉凍檸啡😋😋😋😋.8/5凍檸啡清涼爽口，酸酸甜甜嘅味道非常提神。咖啡香氣濃郁，搭配檸檬嘅清新，飲落去好過癮！夏天飲呢杯正好，真係一個完美嘅

上星期約咗朋友喺銅鑼灣食飯，但係約得好晏又肚餓，所以就諗住食少少嘢先。喺附近睇過魚蛋燒賣等等嘅小食都好貴，經過呢間肥仔麵家，見佢一款餸嘅魚蛋粉麵都係38蚊姐。我同朋友一人一碗，鮮蝦雲吞河和墨魚丸粗麵，店員仲不停問我哋夠㗎喇？夠㗎喇？菜呢？小食呢？😂好似覺得我哋嗌太少嘢食咁。不過兩碗麵都唔錯嘅，湯底都ok，墨魚丸味道唔錯，爽口彈牙。鮮蝦雲吞就一般唔算好好食，又唔算太差，合格水準。不過喺銅鑼灣黎講每碗38蚊都算係幾抵啦。但又唔算特別推薦囉。

我點了一碗雲吞麵，湯底淡而無味，卻發現裡面有一隻蒼蠅。這讓我感到非常不適，於是我立即向服務員反映此情況。不過，令我失望的是，服務員只是簡單地抹走了蒼蠅，並沒有對此給予適當的處理或道歉，讓我覺得這樣的服務態度非常不專業。餐飲業的衛生標準至關重要，這樣的事件不僅影響了顧客的用餐體驗，也可能對餐廳的聲譽造成損害。我希望您能重視這個問題，並加強對食品安全的管理。出品完全唔得，態度一般，價錢唔算好平，但完全唔係正常嘅雲吞麵。

今天下午，我同朋友去咗銅鑼灣波斯富街嘅肥仔麵家餐廳吃午餐。一入店，就聞到陣陣香氣，實在太吸引人喇！我哋點咗鮮蝦雲吞河粉，嗰雲吞粉皮薄，鮮蝦好彈牙，湯汁鮮甜，一口咬落，幸福感滿滿。鳳城水饺米粉都好有特色，水饺皮薄餡嫩，搭配嘅米粉吸滿咗湯汁，味道一流。柱候牛腩軟爛入味，菜心同生菜清甜爽脆，正好中和咗牛腩嘅油膩。最後嘅熱杏仁霜同熱菜蜜，杏仁霜香濃滑順，菜蜜甜而不膩，完美結束咗呢頓午餐。下次一定還要來，繼續探索更多美味！

平日午飯時間，經常光顧肥仔麵家，今天連晚餐都光顧上，真的是打工仔理想飯堂 😂😂😂餐廳環境挺好，帶點古色古香，喜歡他的中式枱櫈，感覺高級。座位比起一般麵店闊落得多，舒適自在。是夜的豐富晚餐，小錢大滿足。點了兩份超值套餐，先來牛筋拼貢丸粗麵 ，加蠔油菜心及紅豆冰 👍牛筋軟腍，貢丸美味。菜心腍甜，連同紅豆冰的套餐，性價比甚高。再來另一份套餐，是紫菜牛腩拼魚片頭，跟蠔油菜心 及凍檸茶紫菜不韌，牛腩鬆化軟腍，配合魚片頭，大滿足。小食點了酥炸鯪魚球，外層微脆，鯪魚肉軟熟，要是配搭蜆蚧醬，就更完美。酥炸雞翼，雞中翼外層香脆，即叫即炸，是燙咀的，要小心吃。松草花燉烏雞，湯料充足，不算很濃味，仍算得上是不錯的燉湯霸黃花燉脊骨，霸王花清熱，燉脊骨味道不錯，忙碌的生活中，喝碗燉湯，滋補一下，挺好的

呢日喺銅鑼灣嚟咗呢間粉麵飯店食咗個簡單嘅 late lunch 🤣叫咗一碗三拼麵，$54「柱侯牛腩拼貢丸拼雪花肥牛粗麵」再加「紫菜」：雪花肥牛薄切肥瘦適中，貢丸幾彈牙，柱侯牛腩肉質幾軟熟，粗麵幾煙韌幾彈牙份量仲好多🤣跟麵加 $16「油菜」：揀咗菜心，菜心夠新鮮，白灼簡單幾爽脆幾好食，仲大大碟😋跟麵加 $5「熱奶茶」：大大杯，夠濃郁夠滑😋仲叫咗「豬肚燉土雞湯」：湯底味道幾鮮甜，真係食到豬肚同埋土雞👍

💁🏻‍♀️新開張餐廳搵唐詩詠麵包店經過 見夠企理價錢又相宜 重點係夠晒多卡位 一於幫襯下見有粉麵、有飯又有燉湯 款式都好多元化❣️牛腩雲吞撈麵牛腩係柱侯牛腩 食落偏瘦啖啖肉 見個色水都知夠晒入味電吞充滿蝦肉 蝦肉新鮮彈牙 個清湯底有韭黃有誠意❣️水餃墨魚丸牛肚河水餃係兒時嘅味道 夠晒飽滿 有筍、木耳、蝦肉食落冇好多肥豬肉嘅感覺 仲加咗少少冬菇夠晒特別墨魚丸食得出係貴價貨 有鮮味爽口彈牙 唔會咬落得啲粉❣️炸魚皮炸魚皮香脆可口 一碟份量都唔少❣️炸鯪魚球鯪魚球即叫即炸 大大粒 炸到好香口唔會腥有別於坊間用蜆芥 唔係個個接受到 呢度配嘅係泰式辣醬 更啱年輕人口味❣️山藥燉脊骨燉湯睇落好清 飲落就有濃郁嘅肉味 熱辣辣夠晒火喉

食材味道係可以嘅，但腩汁湯底很淡冇咩味，重點係服務態度極之惡劣，職員完全冇任何笑容，黑口黑面，埋單都淨係手指指，完全唔會講多謝，一食完就收碗碟，仲要開聲直接趕你走，問你係咪食完，即係預咗食完就即刻閃人先好入去食，重點係當時店內不是爆曬場滿枱架，而且都係啱啱食完嘢一陣就已經俾人咁樣問，所以咁嘅服務態度，以後都唔會再食👎🏻👎🏻👎🏻👎🏻

新年期間好多店都冇開，能找到開門的餐廳真係唔容易。今日做完瑜伽，想食light d,就來到銅鑼灣的肥仔麵家。💫鮮蝦雲吞配鯪魚球麵 雲吞皮薄餡靚，蝦仁又鮮又滑，食起來好開心！搭配鯪魚球，味道更加豐富。鯪魚球彈牙，味道正，配上雲吞，每一口都好味！最特別嘅係佢哋仲有燉湯可以飲，對於鍾意養身的人來講，真係好正！我選咗蟲草花燉烏雞湯，湯底好清甜，烏雞嫩滑，蟲草花又香，飲完真係好舒服。肥仔麵家價錢親民，環境又舒服，無論係傳統港式味道，定係健康選擇，都好適合來食。

肥仔麵家😘😘😘承傳麵檔專家銅鑼灣波斯富街、新開港式傳統麵檔、門面黃色配傳統雕花、懷舊特色、店內椅、枱亦以雕花花梨木系列、非常寬敞、舒適享用美食👍🏻✨鮮蝦雲吞粗麵套餐$54配油菜、豆漿薄薄雲吞皮、包裹大大鮮甜鮮蝦、混和半肥瘦豬肉、餡料飽滿、粗麵有嚼口彈牙、嫩綠菜心、新鮮腍甜、沾中蠔油、提升鮮味、加埋濃香黃豆、甜度剛好豆漿、完美配搭、飽肚滿足😆✨鳳城淨水餃套餐$54配油菜+$5凍檸茶餡料大大粒鮮蝦、木耳絲、豬肉粒、筍、質感爽脆！大地魚干、豬骨湯底、鮮甜味美、韭黃段切、承傳手藝小食✨酥炸鯪魚球$45外皮酥脆、不油膩、內軟綿綿、冇魚腥味，口感彈牙、沾甜酸醬、提升味蕾口感😁✨酥炸雞翼$45大大隻雞中翼、炸脆金黃、外皮酥脆香口、肉嫩多汁、啖啖肉、yummy yummy ✨原汁牛肚$55原汁原味、金錢肚含豐富蛋白質、牛的胃位、其靱性足、爽脆🉑️口、夠彈牙🤩肥仔麵家銅鑼灣波斯富街84地舖港鐵銅鑼灣站B出口、步行咗3分鐘

年近歲晚，忙於購買農曆新年用品，人在時代廣場附近，拎住大袋細袋，真係要醫下肚仔，經過波斯富街見到新開麵店 「肥仔麵家」就入去食碗麵暖下身。內裏裝潢好新淨，地下吾會有垃圾，枱面都抹得乾淨。睇真啲餐牌，價位都幾貼地單併粉麵可併成套餐，都係$50-60 左右，有油菜、豆漿，咁先可以叫完整套餐。除了粉麵仲有湯飯、燉蛋、咖啡、奶茶等。牛筋水餃撈麵牛筋入口非常軟滑，索滿牛腩汁，份量也大方，超好味，食完咀仔黏下黏下，肯定補充不少膠原；腩汁炒麵，幼麵仍保持爽口。水餃另湯上，超爆餡餡料是蝦肉、木耳、豬肉等，新鮮好好味。牛肚鯪魚球粗麵鯪魚球如同乒乓波體驗積，彈牙富魚鮮，，用料足不會食到成口粉。牛肚夠稔入味，加埋粗麵份量剛剛好。冬天最好飲燉湯兩個人share 盅「五指毛桃燉脊骨」熱辣辣，順喉，飲到人都暖和起來所以話養生必飲燉湯。油菜正常發揮

見到這間肥仔麵家新開張，覺得必須一試，因為除了有優質港式粉麵，亦有眾多老火湯品選擇，非常不俗！主食要了雙併：鳳城水餃和鯪魚球河粉！鯪魚球鮮美，口感Q彈！鳳城水餃餡料充足，味道鮮甜，搭配滑嫩的河粉，湯頭清澈且富有海鮮味，值得一試！而蟲草花燉烏雞湯是一道滋補的湯品，滋味濃郁，具豐富營養。烏雞肉質鮮嫩，湯底清甜，蟲草花則增加了湯的香氣與營養價值，非常適合滋補身體。配搭油菜進食，油菜的清脆與河粉的柔軟形成對比，平衡整頓飯的味道，為整體增添綠色視覺效果及清新口感。肥仔麵家 (銅鑼灣)地址：銅鑼灣波斯富街84號地舖