Homeland (牡丹大廈) (已搬遷) 新店位置

見近排疫情稍為穩定，終於可以約下朋友見下面和食飯，今次我地去了位於大角咀Homeland食晚飯。這裡怖置幾靚，特別鍾意佢地的燈。小食我地選了香草牛油蒜香焗田螺。上枱已香味撲鼻。田螺肉算大隻，口感不俗。湯我選了法式鮮蠔忌廉湯，友人選了鮮打香濃磨菇湯。對於我來講，湯最基本要夠熱，這個合格。湯帶點杰身，幾幼滑，入口有濃郁蠔味。主菜選了香脆德國鹹豬手。份量夠大，兩個人食也足夠。肉質夠嫩滑，吾加汁也夠味道，若果豬手皮再脆身一些更好。這一餐很豐富。