Flames (鴻圖道)

營業中

休息中

路過觀塘陪人買衫，夜晚試吓鴻圖道嘅”Flames”。現場氣氛良好，晚市燈光會昏暗一些，座位分隔合理，無論是一班人party還是二人浪漫都兼顧到，隔籬枱有人生日仲會播生日歌😂。首先我哋叫咗signature嘅”蟹肉巴馬臣芝士蕃茄忌廉汁通粉”。Sauce和蟹肉都非常多，好creamy，通粉有咬口。接着叫了”避風塘雞翼”，雞翼夠熱，以個人口味可以再辣少少，不過餐廳可能要兼顧不吃辣的人吧。主菜還叫了”香煎照燒汁橙鯛魚柳”，魚煎得香口亦唔會乾，但最令人記得係個燒汁，同個魚好夾之餘，亦都大幅提升佢隔離堆蔬菜。對了，堆蔬菜份量好多，感覺健康啲😅。最後飲品叫了凍Cappuccino，連凍咖啡都拉花，又唔會好甜，咖啡味充足還有些朱古力味，真是誠意滿滿。整體氣氛唔錯，下次可以試其他分店。