新景園咖喱小廚

營業中

休息中

咖哩牛腩飯-晚餐有湯同菜真係港式風味既咖哩，不會有太多香料味，帶甜但係有啲微辣，咖哩味好濃郁，又唔會太稀。如果有多啲薯仔就更加滿足。唯一要挑剔係啲飯太硬。牛腩同牛筋變左配角，但係都好好食係因為好夠味，牛筋仲好腍，牛腩份量好夠。沙嗲魚柳煲會叫沙嗲魚柳煲係因為覺得一間做咖喱出名嘅餐廳做沙嗲應該唔會太差嘅，的確好惹味，一上菜仲係渣渣聲，有5大件魚柳，唔知道係係新鮮定雪藏既魚柳，但係一啲雪藏味都冇而且腌得好夠味，炸粉唔厚，唔會做到肉同炸粉分開。仲有粉絲同菠蘿。係有人情味嘅禮貌，每次上菜都會講小心呀好熱呀。真係好難得，咁有知名度既餐廳，仲可以保持咁有禮貌，親切感，好窩心。