阿杏飯團 (新都城中心二期)

營業中

休息中

最近去咗寶琳依間「阿杏飯團」食下嘢，估唔到依間分店居然有堂食位置，如果晚餐唔想食得太Heavy，就咁食個飯團輕食都幾好，不過個人認為飯團價錢稍貴。奈良雞扒飯團便當（單點$55），雞扒肉質嫩滑，雞味濃厚，內有煎蛋、火腿、生菜，珍珠米口感煙韌，沙律表面鋪滿沙律醬，紫椰菜、生菜、粟米，食落好新鮮。網紅蟹肉飯團（單點$41），蟹棒食落有鮮味，肉鬆味道鹹香，蘿蔔粒口感爽脆，內有脆脆、生菜、原味沙律醬，泰國紫米口感軟硬適中。冷茉香奶蓋綠（跟餐$20），奶蓋口感綿密，略嫌未夠鹹香，奶綠嘅茉香綠茶味道略嫌被奶精味道掩蓋，茶味偏淡，紅豆味道香甜，內有椰果。冷椰果四季春（跟餐$10），茶味清香，味道微甜，椰果口感爽脆。